網上狂曬B 陳山聰趁囝囝瞓覺影Selfie

陳山聰日前榮升爸爸，太太Apple剖腹誕下兒子Jaco。連日來山聰連環出po大曬父子合照，更為Jaco開IG做KOL，狂吸近4,000位粉絲，相當厲害。前晚山聰在IG大騷與兒子的selfie，他趁囝囝睡覺時大玩有趣濾鏡，又作勢想錫啖BB，不過Jaco依然睡得香甜，更面露微笑，十分可愛。山聰以兒子身分搞笑說：「爸爸咪嘈住我瞓覺啦！」

正忙於拍新劇《超能使者》的山聰，收工在家仍在刨劇本，不過今次有「伴讀小書僮」Jaco陪住，令山聰開心留言：「貢（咁）樣睇劇本係最正嘅！」昨日山聰又po去街相，相中他推住黑色型格BB車，又說：「新車落地兩仔爺梗係要走番轉啦。」另外，山聰的「家姐」伍詠薇與「細妹」陳敏之日前探望BB，敏之感性留言說︰「阿哥變陳爸爸了，大家看着大家成長，看到陳山窿2.0誕生，姑姐表示開心又欣慰，又能娶到靚靚賢妻，可喜可賀！」