梁漢文「斷捨離」捐過百對波鞋

梁漢文（Edmond）近日積極籌備十月的紅館演唱會，勤做運動的他笑言：「為自己演唱會減肥，等於同自己的脂肪斷捨離。」Edmond在上載片段中，展示家中過百對波鞋︰「人生入面有好多嘢都可以斷捨離，只要你肯放棄，等同於自己身體做個大清潔，到時候你更加可以nothing to lose。」他拿起一對波鞋依依不捨稱︰「呢對波鞋跟咗我最少都六、七年，每次踢波唔知點解一定要着佢，如果要形容我哋嘅關係，佢令我忘記咗自己係梁漢文，以為自己係C朗拿度。」Edmond最終將家中過百對波鞋、數百張CD及大量書籍捐贈予慈善機構。