【聲明】港生活網站並無進行電話推廣活動

孖大肚陳凱琳影婚紗相 龔嘉欣:佢好乖無着高踭鞋

發佈時間: 2020/07/09

陳凱琳(Grace)、龔嘉欣、譚凱琪與沈卓盈四位好姊妹,組成「少婦聯盟」,過往經常有影靚相聚會。正在陀第二胎的Grace繼續靚相之約,大住肚與龔嘉欣齊齊披嫁衣影婚照,Grace昨日po靚相時,更乘機幫姊妹宣傳劇集《殺手》,難怪龔嘉欣回覆《晴報》時笑說:「我真係好愛佢!」

陳凱琳昨日在IG分享多張與龔嘉欣合影的婚照,相中Grace仍未見肚,充滿女神feel,而穿上Deep V婚紗的龔嘉欣則甚有少女味。Grace留言說:「自從結婚之後,我心諗…應該以後都無機會穿上婚紗~點知我個好姊妹提我要記得,就算結咗婚做咗媽咪,都要保持小公主嘅一面。」她又大讚龔嘉欣在《殺手》的演出:「超級鍾意妳做打女!雖然知道你拍嘅時候好辛苦,但係真係好有型喎!」

Punk頭成模仿對象

龔嘉欣昨日接受《晴報》訪問,笑言這輯婚紗相在早前拍攝:「平時只要同Grace夾到時間都會影下相,等大家輕鬆下,每次影相都有主題㗎!之前主題係夏日,今次就影婚紗。」她表示Grace粗身大細,依然活動自如:「我哋無着高踭鞋,大家都好放心,佢又有(懷孕)經驗呢!」

提到在《殺手》的演出獲Grace大讚,龔嘉欣即說︰「我真係好愛佢!套劇播映以嚟,佢都好留意,依家每晚九點半佢就會同我講夠鐘睇電視,睇完又會一齊討論劇情,好有趣!」她笑言沒想到大家喜歡她的殺手角色:「我記得當初試造型,有啲接受唔到自己個剷青頭,但劇集出街之後,竟然有人話想剪我個頭。」她自言太愛演戲,演任何角色也會樂意接受,希望發掘角色的另一面。

採訪︰Pauline

編輯:李潔盈

美術:梁政敏

孖大肚陳凱琳影婚紗相 龔嘉欣:佢好乖無着高踭鞋

陳凱琳大擺鬼馬表情,龔嘉欣則露白滑玉背。(IG圖片)

孖大肚陳凱琳影婚紗相 龔嘉欣:佢好乖無着高踭鞋

龔嘉欣在《殺手》中造型冷酷,一改平日甜美形象。(資料圖片)