《愛回家之開心速遞》一向都有不少天馬行空的搞笑劇情，繼早前有「報仇者聯盟」熊家一家人扮演不同的超級英雄之後，今晚的預告再現「超級英雄」，預告見熊心如（蘇韻姿飾）因一次捉賊期間被電槍攻擊，醒來後發現自己雙手有電力的超能力，於是女英雄上身去儆惡懲奸，見她古裝上身又打又飛來飛去，跟以往只顧讀書的斯文心如非常不同，劇情相當令人期待。
相關新聞：【好想睇下集】《愛回家》被瘋狂劇透 熊家嬲到變身「報仇者聯盟」
(圖片：《愛回家之開心速遞》電視截圖)
(圖片：《愛回家之開心速遞》電視截圖)
(圖片：《愛回家之開心速遞》電視截圖)
(圖片：《愛回家之開心速遞》電視截圖)
(圖片：《愛回家之開心速遞》電視截圖)
蘇韻姿在社交平台分享幾張花絮相片，她留言說：「今晚果(嗰)集大家一定要睇！我第一次有得吊威也同埋第一次拍打戲。今次嘅體驗令到我發覺原來⋯我好鍾意㗎！今次絕對係我做演員其中一個夢想，非常開心可以實現得到！要超級多謝監製，導演，武指，替身，pa’s，所有當日令到拍攝順利嘅人，因為我諗我成世女最型係今次㗎啦！#如夢如幻 #我的超能夢想成真」其中一張相片，見到蘇韻姿的左邊手臂位有勁大的瘀傷，似乎是拍攝所留下的傷痕，認真陰公。
(圖片：蘇韻姿IG )
(圖片：蘇韻姿IG )
(圖片：蘇韻姿IG )
蘇韻姿接受《晴報》電話訪問，她表示：「我第一次吊威也，因為好多動作要跑步同打鬥，所以被條威也勒到瘀晒。其實我已經做好晒保護措施，不過可能經驗未夠，所以瘀晒，我好佩服替身同武指，佢哋好似鐵人咁，向佢哋致敬。」她透露當日朝早06開工，拍攝接近12個小時，當日天氣熱而且服裝好厚，比較辛苦，但她全程都非常享受，大感過癮，她說：「為咗呢一集我已經提早做咗幾日健身，希望體能好啲可以應付呢一集。當真係吊威也嘅時候，我覺得好開心，因為我一直好鍾意睇超級英雄電影，成日都幻想自己將來可以做到。我本身鍾意刺激運動，可惜我身形細粒，諗住冇乜可能做到打女，冇諗過拍《愛回家》可以畀機會我圓夢。」
相關新聞：《愛回家》蘇韻姿27歲生日獲劇組捧蛋糕慶壽 意外釣出將有搞笑演員客串
(圖片：蘇韻姿IG )
蘇韻姿表示今次拍攝過足戲癮，拍攝前一晚更興奮到瞓唔著，幸好拍攝順利，好期待觀眾的反應，她說：「唯一有少少美中不足，因為我有跳舞底，但我冇功夫底，如果識功夫，可能會拍得更順利。」她表示今次拍攝之後，令她對打鬥片大感興趣，希望可以找老師學動作戲，增值自己，將來有機會可以學以致用。其實蘇韻姿大可以搵合照的替身偷師，今次幫她替身其實是何佩珉，她是楊盼盼的徒弟，以往在劇集都有不少的幕前演出經驗，最令人印象深刻的就是《鐵探》入面的越南幫殺手。
(圖片：《鐵探》電視截圖)
責任編輯：楊安莉