《殺手》除了龔嘉欣飾演的Dark Angel夠搶眼，飾演過氣殺手的黎耀祥都被網民讚好戲。入行第23年，黎耀祥才奪得視帝，成為一線小生，日前他接受商業電台訪問，向Do姐鄭裕玲大談上位心路歷程。
(鄭裕玲instagram圖片)
(商業電台YouTube截圖)
黎耀祥是名已出道35年的資深演員，但他表示從小就沒有表演慾，也不善交際、不貪玩，他說：「我幾自閉，自己同自己玩遊戲，好驚人哋望住我，有少少社交焦慮症。如果鄰居開門，我會唔出門口住，好驚交際。依家都有少少，我喺公司都盡量唔出聲，喺一二角，慣咗，咁多年都係。」
畢業後，黎耀祥本來做緊TVB營業部文員，但睇戲途中忽然想嘗試挑戰自己，成為演員，於是加入TVB演藝興趣班，後來他被伯樂李添勝發掘並推薦加入TVB藝訓班。入行初期他多演閒角，之後曾4度飾演周伯通，深受讚賞。其後他憑《西遊記》豬八戒紅極一時，惟當時他已入行10年，卻一直未受公司重視，一度到電影圈發展。02年，他重返TVB，成為戲路廣泛的綠葉。
(TVB電視截圖)
(TVB電視截圖)
7年後黎耀祥得到監製李添勝邀請，有幸在《巾幗梟雄》擔正，飾演柴九一角。他大爆自己之所以得到此角是跟鄧萃雯有關，他說：「鄧萃雯有日經過飯堂撞到佢（李添勝），話：『我未同黎耀祥拍過戲喎！』」他亦很感激編審張華標給了他很多機會。最終他在《巾幗梟雄》發揮出爐火純青的演技，不但令劇集獲得高收視，也為他帶來三料視帝獎項。
(TVB電視截圖)
黎耀祥等了多年，演藝事業終成功達到高峰，他指自己一向不重視名利，故毫無壓力，只是很感概地說：「等到好長，長到難以相信...觀眾鍾意我，或多或少有啲同情。咁多年鬱鬱不得志，加埋套劇嘅金句，令懷材不遇嘅人有共鳴，再諗番黎耀祥都係捱咗咁多年，所以好支持我。」
早前黎耀祥因不滿網民批評TVB，曾接受傳媒訪問鬧網民無良心，引起極大迴響，後來他為言論公開表示會反省。如今他憑《殺手》重新得到網民支持，好多人都讚他在劇中發揮得好好，明明對其他人滿不在乎，是個殺人不眨眼的殺手，但對住囡囡（麥明詩飾演）卻變回慈父，因為10年前惹到仇家放火燒屋，間接累到囡囡變盲，故常常偷偷在她身邊保護她。網民都認為這段父女關係最觸動人心，睇好他第4度成為視帝。
(相關新聞：麥明詩演盲妹爆喊鬧黎耀祥獲讚 「多謝畀天份唔係太高嘅我進步」)
(TVB電視截圖)
(TVB電視截圖)
最後被鄭裕玲問到何時退休，黎耀祥就認為上天給了他這個才能，就要繼續做演員，到了身體不幸患病或被觀眾離棄才會想退休。
撰文：張芷晴
責任編輯：楊安莉