張寶兒日前被指取代視后李佳芯（Ali），在即將開拍的重頭劇《兒科醫生》（前名︰兒童醫院）中飾演麻醉科醫生。寶兒昨日出席《姊妹淘》活動時，否識執二攤演出，又自言會努力演好角色。
張寶兒、孫慧雪與李君妍等昨日出席《姊妹淘》拜神儀式，早前疑腰斬的《姊妹淘》，將會由J2移師到翡翠台繼續播放。提到李佳芯被飛出重頭劇《兒科醫生》，改由備受力捧的張寶兒頂上，寶兒昨日解釋說：「其實三個月前我已經接到通知有份演出，所以一直做緊準備。取唔取代Ali我唔知，Ali係好有經驗嘅演員，我唔能夠同佢相提並論，但我好感恩有呢個機會。」
寶兒自言拍劇經驗不多，但會努力嘗試：「我擔心能力上有不足，Ben（男友袁偉豪）都會幫我，最近Ben同紅姐（惠英紅）拍劇，紅姐都鼓勵我，佢話個個演員演繹方式唔同，最重要係相信自己演得最好。」問她在演戲方面可會請教惠英紅？她說：「我唔敢麻煩紅姐，聽到佢鼓勵我已經好滿足。如果我演戲上遇到咩問題，我會向Ben、監製、導演同劇中演員請教。」她透露在新劇中將與羅仲謙有感情綫，又笑言自己讀過生物學，背醫學名詞應該不太難。
孫慧雪諗甜品菜式頭痕
同場的孫慧雪與李君妍繼續主持《姊妹淘》，在節目中教做運動的君妍，自言主持功力好弱，要努力自我訓練。而阿雪將在節目中每天示範炮製甜品：「每個禮拜要諗五個甜品，真係好頭痛，前一晚仲緊張到失眠，好彩有幕後工作人員幫手。」阿雪自言近來愈來愈肥，幕後工作人員亦有微言，所以她戒吃澱粉質減肥。
採訪︰Pauline
攝影︰林良明
編輯：李潔盈
美術：梁政敏