承認與朱智賢「分居」 謝東閔︰等佢出嚟交代

謝東閔昨日到電台宣傳無綫劇集《殺手》，當提起女友朱智賢，謝東閔卻明顯變得生疏。對於早前承認兩人是同居關係，謝東閔昨日竟自爆雙方已經「分居」，又指兩人甚少見面，感情似有暗湧。

今年四月，朱智賢被爆與有婦之夫黎振燁在車廂約會食蛋糕，事後謝東閔高調陪女友出席道歉記者會，又聲稱會陪朱智賢走過這一關，絕對有情有義。

不過，問他可有同女友一齊睇《殺手》？謝東閔卻表示︰「我無問佢，唔知佢有無睇，但我就晚晚返去重溫。」他又指兩人間中都有見面，但自己開工期間，對方沒有來探班，因為各有各忙。對於兩人關係是否變得生疏？謝東閔否認說︰「唔係，只係我唔知佢想唔想我講，等佢自己出嚟交代。（之前認咗同居？）我已經搬番屯門同屋企人住，冇再同佢住。」

新劇愛上成人公仔

談到《殺手》，謝東閔透露十年前入行第一齣劇《法證先鋒III》已跟黎耀祥合作，他說︰「感覺好特別，好似由幼稚園乜都唔識，到依家識少少，不過有祥哥喺現場定啲。」他亦有趁機向黎耀祥請教︰「我以為十年有少少經驗，但祥哥話自己做咗十年都唔知咩叫做戲，因為十年嘅演藝生涯仲係好短。」

另外，謝東閔在拍攝中新劇《刑偵日記》飾演精神分裂和孤獨症患者，愛上一個塑膠成人充氣公仔，他笑指︰「個公仔像真度好高，亦都唔平，同死物做戲幾得意。（驚抽離唔到？）抽離唔到唔緊要，可以拎佢番屋企，然後賣咗佢。」

撰文︰倪小珊

編輯︰陳禮恒

美術︰梁政敏