林二汶和余迪偉主持的ViuTV節目《晚吹—又要威又要戴頭盔》，最新兩集請來4位護老院護士做嘉賓，分享工作時見到的趣聞和事情、無理要求等，訴說工作中所見到的人情冷暖。
（圖片：ViuTV影片截圖）
提到工作中哪一件事最深刻，有嘉賓表示聽聞有位院友兒子拎綜援及無業，所以日日都會去老人院打發時間，而由於婆婆嘅胃口麻麻地，所以呢位「孝順仔」會食埋其母剩餘嘅食物。「又會充電、攞水。過年有果盒佢會搏命係咁食。」另一位則表示其護老院有位90幾歲嘅婆婆，「佢60歲嘅兒子可能因為同老婆爭執被趕出家門，所以日日都會出現喺護老院。嚟到瞓阿媽張床，而阿媽出廳坐，趕過佢好多次。」
（圖片：ViuTV影片截圖）
（圖片：ViuTV影片截圖）
有嘉賓指其護老院有一位退休公務員，身體差到連吞嚥都有問題，但佢老婆唔想佢咁快走，因為公務員有長俸，醫生並不建議使用鼻胃管，想佢可以舒服地離世。但佢老婆為了長俸所以要求幫佢插胃喉。」另一嘉賓又指有位婆婆入院前本身有物業和存款，入院後日日遭仔女疲勞轟炸。「佢個女話佢唔方便去銀行，叫佢快啲轉名，佢真係日日『哦』佢，起初婆婆都好堅持，但可能一個月左右都係轉咗錢，之後個女就無再嚟探佢。」
當林二汶問到護老院會否有虐老事件發生時，有嘉賓表示：「有啲員工質素唔太好就會粗暴少少，如果一直唔聽話就會一下子推走佢、掌摑佢。」主持問有無人會見到，佢就話緊係有，會責備佢。另一位嘉賓亦分享：「有時有啲有認知障礙嘅伯伯，尤其是幫佢哋沖涼個陣，佢就好似同你打交咁，你幫佢除衫個陣，佢以為你唔知想做啲咩又會同你打交。入到洗手間準備沖涼佢又會反抗。據我所知，以前有啲同事會掌摑佢，又或者會拎花灑射佢塊臉叫佢合作啲。有時老人家身上有啲無名瘀傷，做呢行一睇就知咩事。」林二汶又問為甚麼只作隱晦勸告，嘉賓則表示：「主管沒親眼見到，院友又唔投訴，主管唔會理。」
（圖片：ViuTV影片截圖）
（圖片：ViuTV影片截圖）
（圖片：ViuTV影片截圖）
（圖片：ViuTV影片截圖）
（圖片：ViuTV影片截圖）
當問到他們有沒有遇到「不合理」的老人家，嘉賓表示有一位院友以為佢租咗間房就係佢，入去要申請，清潔完就話人偷咗佢嘢，係屈並唔係事實。之後又有一個個案是有個婆婆好想返屋企，好想搵佢個仔，想佢多啲contact佢：「於是佢就係院內生事，無端端將婆婆由輪椅搬至床上，但個婆婆係好重。畀我哋告發，原來佢想搵阿仔。」
最後4位護老院護士亦分享揀老人院的準則，「首先要睇環境，去多兩次睇院友精神狀況，唔同時段去睇真實情況；最好5點去，可以睇吓膳食安排同其他院友嘅精神面貌。」又可以留意院舍整唔整齊、有冇雜物同有冇異味等。
相關新聞：【晚吹】僱傭中介爆有家傭要求多過僱主 有姐姐竟然被安排瞓廚房地下？
撰文：林惠珊