夫妻另類情趣？ 林夏薇拍親熱戲逼老公睇相

林夏薇昨日返將軍澳電視城拍攝劇集《七公主》，聲綫沙啞的她表示因最近連續多日開工，加上近日拍攝的戲份，其角色情緒起伏比較大，她說︰「劇入面會成日喊，有時仲要喊到聲嘶力竭，當中有一場戲要安排到最後先拍，因為個布景會畀我破壞。」

薇薇透露早前完成了一場裸露戲，但強調這場戲並不色情，反而有感動位，問到老公是否知道有裸露戲？她笑言︰「其實佢無特別去理，不過每次我拍完呢啲戲，都會影相畀佢睇，佢仲話我『做乜畀我睇呢啲相，你黐綫㗎！』其實我係想佢知道我嘅工作做緊乜，當然佢對我都好信任，同埋好支持我。」薇薇曾透露開工期間會與老公分房瞓，她說現在仍會這樣做，因為不想把工作情緒帶回家影響家人。

採訪︰Pauline

攝影︰林良明