在劇集《愛‧回家之開心速遞》中飾演威龍百貨女售貨員Annie的楊嘉欣，有「隱藏版美少女」的稱號。楊嘉欣去年11月同圈外男友Dickson低調結婚，以20歲之齡成為年輕人妻，結婚唔夠兩個月就宣布懷孕成為準媽媽，今年三月誕下囝囝榮升人母，難怪佢笑言自己咩都快人一步！最近疫情反覆，佢亦暫停手頭上工作，留在家中避疫兼專心照顧囝囝，好耐冇喺《愛回家》岀現。尋日楊嘉欣喺社交平台話畀大家知，原來佢同TVB已經完咗約！
相關新聞：《愛回家》威龍Annie囝囝滿月曬可愛寫真 享受餵母乳的最佳親子時光
{{hket:inline-image name="36511665_560992010965741_2000020258039005184_n.jpg"}}{{/hket:inline-image}}
楊嘉欣在《愛回家》演「Annie」（圖片：楊嘉欣IG）
{{hket:inline-image name="30592376_361698517667725_4362738882043707392_n.jpg"}}{{/hket:inline-image}}
（圖片：楊嘉欣IG）
母愛爆棚（圖片：楊嘉欣IG）
可愛囝囝！（圖片：楊嘉欣IG）
楊嘉欣上傳一張倚靠在窗邊，身穿性感睡裙嘅靚相，寫道：「原來我入咗行四年幾，你哋記唔記得我？一個快工作了5年的地方...話完就完了......我一直心裏有個問號？真的？真的嗎？嗯~真的完了。還想著（着）生完BB仲可以同大家見面...哈哈.....多謝舊公司畀過咁多拍攝機會我，雖然我只係2打6（二打六），走左（咗）都唔會可惜，不過的確係一個與眾不同嘅經歷，又識到一班朋友仔，疫情過後朋友們唔好唔記得我，I will be back！」佢又自嘲係個失業媽媽，但唔會放棄工作機會：「希望將來有其他平台同大家見面，系（喺）尼（呢）道我會繼續share my life」
（圖片：楊嘉欣IG）
有網友則認為，楊嘉欣字裏行間似乎暗示不獲無綫續約，看似有些不滿，事關佢最後hashtag表示：「#再見tvb個b呀 #原來簽咁多年合約都係廢嘅 #疫情其間同大家一齊失業#人哋唔要我都冇理由放棄自己 #加油加油 #為母則強 #失業唯有創業」而不少網友都留言鼓勵她不要灰心：「東家唔打打西家」、「有危先有機」。
（圖片：楊嘉欣IG）
楊嘉欣是TVB第28期藝員訓練班學員，畢業後演出過不少劇集，除咗為人熟悉的《愛回家》，還有《白色強人》、《好日子》、《她她她的少女時代》、《街坊財爺》、《牛下女高音》及《機場特警》。楊嘉欣現實裡家世不一般，佢係澳門江湖猛人「崩牙駒」尹國駒嘅外孫女，家人在外國有投資酒店，稱得上是酒店太子女。因此楊嘉欣一得閒就會同家人周圍飛，除旅遊之外，亦會巡視海外酒店業務。
相關新聞：《愛回家》威龍Annie宣布生B升呢做媽咪 21歲索媽楊嘉欣是酒店太子女
楊嘉欣在近期播出的劇集都有份演出（圖片：楊嘉欣IG）
（圖片：楊嘉欣IG）
楊嘉欣同圈外老公Dickson（圖片：楊嘉欣IG）
楊嘉欣與爸爸（圖片：楊嘉欣IG）
澳門江湖猛人尹國駒是楊嘉欣外公（圖片：楊嘉欣IG）
撰文：羅慧怡
每朝索取《晴報》：精明生活．健康家庭．開心娛樂