林作同31歲嘅裕美撻著，佢哋兩個嘅話題就冇停過。林作媽媽對呢段戀情極速落閘，林作就不時公開護花，撐裕美失婚無罪。日前裕美32歲生日，二人再次高調放閃，林作為女友慶祝生日時肉緊狂啜，非常癡纏。
(相關新聞：裕美不甘被林恩浩暗諷講大話 㷫爆開火鬧前夫龜縮偽君子)
(裕美instagram短片截圖)
(林作instagram圖片)
大家都少不免會拎林作嘅10A舊愛麥明詩同裕美作比較，日前林作用真名上討論區，除咗講起麥明詩同裕美之外，亦都有講自己份工，不時用搞笑方式回應問題，獲得唔少人欣賞。
(討論區截圖)
{{hket:inline-image name="19.jpg"}}{{/hket:inline-image}}
(討論區截圖)
最多人問就係愛情問題，唔少人問佢麥明詩同裕美邊個好啲，佢回答：「你想我死咩阿哥，點都係話現在式㗎啦。」又有人就問到佢當年點解同麥明詩分手，佢就暗示唔想分手：「個個都分手，唔通個個都想分手咩？」林作媽媽對佢嘅新戀情一早表明反對，被問到佢係唔係同媽媽聯手，令裕美唔好幻想可以嫁入林家，林作否認：「可唔可以係我同田小姐（和田裕美）夾埋，搞到佢好似好想嫁？」林作強調好愛媽媽，亦幫女友講說話，讚裕美純品最吸引。
(相關新聞：裕美食4年死貓被指「不守婦道」 遭前夫家暴兼抹黑：「公平嗎？」)
(討論區截圖)
期間有唔少網民人身攻擊林作，不過佢一係就承認「的確失敗」，一係就好高EQ咁多謝對方。有人好心提林作，上得連登唔好預網民正經同認真問問題，佢就答：「我都唔係想你正經問嘢。」
(討論區截圖)
{{hket:inline-image name="15.jpg"}}{{/hket:inline-image}}
(討論區截圖)
林作家住半山3千幾呎豪宅，仲係牛津大學榮譽理學士以及香港大學讀法律碩士畢業，條件絕對唔差。瓣數多多嘅佢2015年成為香港執業大律師；其後佢曾經參與黃大仙區議會選舉，但最後落敗亦有客串過3齣網絡電影如《江湖三傻》，又拍過舞台劇，做埋藝人。2017年，林作放棄大律師資格，喺補習學校教英文。他亦係主板上市公司嘅執行董事，同時佢喺報章、雜誌寫專欄，出過書如《讀完這本書，你會曉用英文追女仔》、《林作雅思必備詞彙》等。
今年林作做埋保險，唔少網民都好奇點解林作有大律師唔做，佢解釋：「我係樣樣都撈，你可以話「加」行，大律師嘅人工滿足唔到我」、「我就係睇得開先賣保險，保險將會是我的終身事業。」林作亦似乎喺保險界撈到風生水起，早前曾經喺社交平台公開自己嘅業績向同事開火：「我在77日內簽單221萬，平均每日將近3萬、收了39位下線，單單上個月簽單25張...我會讓你後悔一生，這就是向林作挑機的後果...後來我才得知，原來你是怨恨我的知名度」
(林作instagram圖片)
撰文：張芷晴
責任編輯：黃蘊姿