【聲明】港生活網站並無進行電話推廣活動

淺水灣開主題教學活動中心 楊茹庭:帶給小朋友快樂與希望

發佈時間: 2020/07/14

波爾錶太子女楊茹庭(Sean)夥拍兩位小女孩陳家瑜(Victoria,11歲)和陳閔閔(Chantelle,8歲),早前在淺水灣開辦了一間教學活動中心「EAV Education House(STEM)」。中心有兩大主打,分別是學習STEM的LEGO Education課程,和趣怪的DIY SLIME(鬼口水)工作坊。這3個人、兩個主題的組合看似不尋常,但原來背後只有一個平凡而窩心的目的︰帶給小朋友快樂與希望。

Sean接受《晴報》訪問時表示,今次初試涉足教育界的契機,原來就是其商業拍檔的兩位可愛女兒。「佢哋好鍾意玩SLIME(鬼口水),成日玩到屋企廁所污糟晒,畀媽咪鬧。同佢哋傾完,就決定開一間可以玩SLIME嘅地方。」SLIME的質感介乎液體與固體之間,可以搓圓揉扁,其獨感的手感相當療癒,在小朋友間很受歡迎。

「我鍾意SLIME好sticky,搓嗰時有啲『啵、啵』聲,有壓力時玩好relaxing。」小小CEO Chantelle分享說。那何時會感壓力,是功課多的時候嗎?她害羞地笑說︰「畀媽咪鬧嗰陣!」果然小孩也有需要減壓的時刻呢!

遊戲 + 探索 啟發創意

除了讓小朋友玩樂放鬆,他們還有着遠大的教育目標。「EAV」有Education、Achievement和Velocity的含義,希望學童能夠透過遊戲、探索及試驗,以互動的模式,發揮想像及創造力。中心選用LEGO Education課程,一來知道大部分小朋友都愛玩LEGO,二來因為課程的「4C」架構-聯繫(Connect)、建構(Construct)、反思(Contemplate)和延續(Continue)與現時大家最注重的STEM教育完美相融。「我哋最着重培養小朋友嘅思維,啟發創意。其實人生唔一定淨係得讀書。」Sean認真地說。

除了淺水灣活動中心,中心將來更會在黃竹坑分校提供專業模特兒、戲劇等才藝課程。「我希望小朋友嘅人生多個方向,畀佢哋多個希望。」

小小CEO 親力親為

兩位小小CEO就是中心重視培養思維的最佳例子。別以為他們年紀輕輕,只是掛名CEO,原來事事親力親為。「呢度嘅室內設計係佢哋idea,連啲貨嘅款式都係佢哋決定。」Sean說。

《晴報》訪問當日,筆者想請教SLIME的玩法,和店內林林總總商品的分別,大人都一致答道︰「呢啲要問兩姊妹清楚啲。」Victoria和Chantelle就不慌不忙地仔細解說︰「首先你要用glue,再加啲baking soda……」、「呢款係pre-made,買返去可以直接玩;呢set就可以mix & match……」兩姊妹主意多多,出色的商業思維連Sean都感到驚訝。

「見到小朋友臉上開心嘅笑容,嗰種滿足感喺其他地方搵唔到。」問到辦教育與做其他生意有何不同,Sean這樣回答。Victoria亦說,「我哋想畀其他小朋友知,其實開心唔係咁難,快樂可以好簡單。」

為基層兒童免費提供課程

貫徹中心「宣揚快樂」的理念,EAV Education House(STEM)的部分利潤會捐贈予慈善機構,亦會與不同機構如香港障健高爾夫球協會等合作,安排來自基層家庭、低收入家庭和殘疾兒童參加中心課程,讓他們體驗玩SLIME的樂趣。「除咗賺錢,都想回饋番社會,幫助社會上唔同嘅人。」Sean由衷地說。

EAV Education House (STEM)

地址︰淺水灣海灘道28號the Pulse 2樓201F號舖

電話︰2683 1830

網址︰www.eav-edu.com

撰文︰王寶欣

編輯︰余運慶

美術︰梁政敏

攝影︰羅灝駿