【聲明】港生活網站並無進行電話推廣活動

旅遊特輯計劃泡湯 洪永城上網睇沙灘片當旅行

發佈時間: 2020/07/14

洪永城(Tony)過往經常拍旅遊節目,但自從新冠肺炎爆發後,不但無得去旅行,他原定今年底出發拍攝旅遊特輯,走訪多國疫情前後的社會變化,可惜近日疫情愈見嚴峻,他已打定輸數計劃泡湯,惟有看網上海灘短片自娛。

洪永城、黃嘉雯與鄧佩儀等昨日以嘉賓身份,出席無綫明珠台節目《絕色星期二︰野性超感官》記者會,Tony笑言很喜歡欣賞動物紀錄片,以往也曾為動物紀錄片任配音旁述。近日疫情再大規模爆發,有否影響Tony的工作?他表示剛拍完《陀槍師姐2020》,暫時未有劇集在身,但他透露本打算今年10、11月出埠拍旅遊節目,到世界各地探討疫情對社會及生活的影響,但照目前疫情看來,多數未能成事。

Tony搞笑說:「其實都打定輸數,我都成一年無飛過,呢段時間惟有自娛,上網睇啲無人沙灘片,望住個mon,聽住浪聲幻想,當自己飛咗去外地囉。」與女友梁諾妍(Inez)一齊幻想?他笑說:「女朋友梗係無啦,可能佢見到我咁,要重新評估男朋友,或者可能要暫時分開下,哈哈!」

女友健身中心受影響

問到女友經營的健身中心,可受疫情影響生意?Tony說:「暫時都未知情況,不過生意上唔多唔少都會有影響。」提到政府收緊限聚令措施,他無奈說:「咁都無辦法,呢個時勢最重要係做好防疫措施。」

採訪︰Pauline

編輯:李潔盈

美術:梁政敏

旅遊特輯計劃泡湯 洪永城上網睇沙灘片當旅行

洪永城與周志康(左)及黃嘉雯試飲特飲時,竟飲到面容扭曲。