馬浚偉 扮MJ苦練喪屍舞

馬浚偉近日忙於綵排九月舉行的舞台劇《男人四十CEO》，他昨日與劇中一班演員到商台宣傳，並透露劇中有連場歌舞，絕對令大家有驚喜。馬仔表示︰「最複雜兩場舞就係米高積遜嘅《Thriller》同埋徐小鳳嘅《喜氣洋洋》，米高積遜（MJ）隻舞我哋已經排好晒，要扮喪屍跳舞，係有一定難度，但我哋排得好認真，亦估唔到會咁似，至於小鳳姐隻舞就係跳影子舞，大家都跳得好齊。」問到可擔心疫情影響舞台劇演出？馬仔直言如果限聚令在八月尾維持八成入座率，便會如期舉行，「八成入座都算打成平手，但如果坐得一半人就會蝕錢。」另外，見馬仔右手手臂包上保護套，他透露日前連打六日羽毛球，不小心弄傷手臂，幸好沒影響綵排工作。

攝影︰林良明