【迷網】 祝文君摑被情騙阿女險天人永隔 演師奶入血主持《城市追擊》最經典

TVB新劇《迷網》琴晚首播，劇集借鑑真實案例，題材新穎。以往電視劇都未試過以這部門為故事背景，劇情會圍繞警察科技罪案組，發展多個歷年來發生的各種電話、網絡、科技騙案故事。

第一集故事講述少女Coco（周梓盈飾）為素未謀面嘅虛擬男朋友偷阿媽錢，飾演佢媽媽嘅祝文君發現後發火掌摑Coco，Coco激動到想跳樓自殺。祝文君不斷求司徒sir（楊明飾演）救Coco，Coco最終被司徒sir勸服，但差啲失足跌落樓，幸好司徒sir及時伸手攬住Coco。Coco返到天台後攬實媽媽，母女和好相擁痛哭，場面動容。

{{hket:inline-image name="Wha.jpeg"}}{{/hket:inline-image}}

{{hket:inline-image name="What.jpeg"}}{{/hket:inline-image}}

(TVB電視截圖）

唔少網民睇完讚故事寫實貼地，睇到好入戲，留言：「被阿媽打一巴就要跳樓，有冇諗過最擔心自己嘅係媽媽」、「呢個就係網絡情緣嘅可怕之處」等，亦有網民讚祝文君非常好戲。

現年53歲嘅祝文君已經入咗行31年，幕前經驗相當豐富，演師奶可以話係演到駕輕就熟。不過原本祝文君指自己初入行想做打女，但事與願違，佢表示都想試令人深刻印象嘅角色，但要遇到一個啱的角色，除了監製搵之外，更要天時地利人和，際遇和運氣都好重要，唔係佢想點就點。

{{hket:inline-image name="1525875235133.jpg"}}{{/hket:inline-image}}

（網上圖片）

祝文君自小好鍾意睇《歡樂今宵》，中學畢業喺銀行做咗一段時間後, 毅然參加《歡樂今宵》舉辦嘅《周璇名曲大賽》，打入最後五強，後來89年加入TVB藝訓班，決心做藝人。做藝人一啲都唔易，喺實習時祝文君不斷劇接劇，要帶埋睡袋喺公司瞓。有次佢拍到通宵，再被要求頂替病人角色，最終頭暈虛脫，瞓喺床上郁唔到，真係有苦自己知。

祝文君畢業後第一個面試嘅節目係《香港早晨》，報道交通消息，之後主持《K-100通訊站》、《娛樂新聞眼》及《城市追擊》。祝文君指做主持刺激感好大，好多執生技巧都係做《城市追擊》時學。最難忘當年要同亞視嘅《今日睇真D》打仗，大家會鬥爭遞咪，有同行如敵國嘅感覺，不過依家見hw當時對台嘅主持都冇尷尬，算係一段美好嘅回憶。

{{hket:inline-image name="WhatsA.jpeg"}}{{/hket:inline-image}}

(電影《食神》截圖）

{{hket:inline-image name="hh.jpeg"}}{{/hket:inline-image}}

(電視截圖）

撰文：張芷晴
責任編輯：黃蘊姿