【聲明】港生活網站並無進行電話推廣活動

林奕匡墮海傷勢漸好轉 李靄璣:佢每晚痛到瞓唔到

發佈時間: 2020/07/15

歌手林奕匡(Phil)早前出海遊玩,落船時不慎失足墮海導致甩骹,需要接受物理治療。Phil的太太李靄璣(Rikko)前晚在社交網交代老公的最新情況,更自爆化身私家看護貼身照顧老公,Phil留言大讚擁有一位最好的妻子,sweet到爆。

林奕匡出院後,太太Rikko在家寸步不離照顧左右,她在社交網為Phil報平安,表示老公乖乖接受物理治療,Rikko表示:「話說呢幾個禮拜,佢每晚都痛到唔係好瞓到覺,瞓三、四個鐘就會痛醒,因為止痛藥嘅藥效只係得幾個鐘,好折騰,而且一路郁唔到隻手,連帶頸部、背部、胸口都會痠痛,真係慘慘豬。」

Rikko又自爆已經鍛練成一位非常稱職的看護,「洗頭抹身、清洗傷口完全難唔到我,所有事,最緊要係冷靜,有耐性,細心啲諗下假若換轉係自己,會想別人點樣幫助你,雖然老公好自責也內疚,但係話過互相照顧對方一生一世,並唔係信口開河,呢幾個禮拜又算甚麼呢,況且佢絕對係我見過最積極嘅受傷者。」

Phil在家唱歌彈琴

心痛老公的Rikko又爆Phil見傷勢好轉,他堅持要幫手做家務,「叫做好番幾日,已經嚷着甚麼都盡量由佢做番,仲無啦啦走去吸塵,真係畀佢激死。」雖然Phil的胸口仍感到痛楚,但每日都會唱歌練聲,還可以彈奏鋼琴,「多謝大家嘅問候,依家疫情加劇了,大家都要好好保重。」

不少網民祝福Phil早日康復,又大讚Rikko是一位善解人意的賢妻,難怪Phil也忍不住留言︰「I definitely have the best wife(我絕對擁有一位最好的太太)。」

撰文︰倪小珊

編輯︰陳禮恒

美術︰梁政敏

林奕匡墮海傷勢漸好轉 李靄璣:佢每晚痛到瞓唔到

太太李靄璣細心照顧,令林奕匡感動不已。(IG圖片)

林奕匡墮海傷勢漸好轉 李靄璣:佢每晚痛到瞓唔到

李靄璣(資料圖片)