亂入《愛‧回家》色誘「島大」三子 馮盈盈︰我戴眼鏡有斯文Feel

無綫處境劇《愛．回家之開心速遞》，前晚獲馮盈盈化身「眼鏡娘」斬叉燒兼穿上浴袍色誘「島大三子」，雖然她最終無露肉，但觀眾都Like爆其眼鏡Look。昨午盈盈回覆《晴報》時，自言戴眼鏡嘅氣質唔同咗，有斯文Feel，更在IG笑言︰「讀到島大畢業入接龍（集團）先！」令劇迷十分期待。

前晚馮盈盈驚喜現身《愛．回家》，她在劇中同樣叫盈盈，飾演「島大」Canteen燒味部的新手阿姐，憑靚樣吸引一班男學生爭相幫襯Canteen，亦吸引到金城安（周嘉洛飾）、朱凌凌（吳偉豪飾）和艾頓壯（焦浩軒飾），盈盈更相約三人做裸體雕塑Model。

不過，這位神秘女子原來是島大燒味部員工、自稱「島大馮盈盈」的大芬姐（劉素芳飾）姪女，她是為姑姐出頭而想玩謝三子！盈盈在劇中的眼鏡Look驚為天人，不少視迷讚她夠清純；有人亦期望她再入劇組玩轉「島大」，做「安凌」CP的第三者。

盼三個盈瑩同場

盈盈昨午在IG指，這次是與監製一同構思其眼鏡文青Look。外界對其眼鏡娘造型反應正面，她回應︰「如果日後有新劇，我都希望個角色加眼鏡造型，大家覺得我戴眼鏡有斯文Feel，好驚喜，之前拍劇都未試過，有新鮮感畀到觀眾已經滿足！」

記者問及可希望長駐《愛．回家》，盈盈笑言︰「睇大家反應，可唔可以再客串一集，睇監製意思！（想同大小姐嗌交？）我反而最想同湯盈盈、姚瑩瑩同場，製造TVB三大盈瑩同場畫面，應該好有趣！」再問盈盈可希望床戰「島大吳彥祖」吳偉豪，她戲言︰「唔好啦，我驚『安凌CP』嘅粉絲會嬲！」

撰文︰Steven

編輯︰黃寶恩

美術︰Simon