馬國明同湯洛雯（靚湯）自公布戀情以來愛得甜蜜高調，續早前貼出小馬與獨角獸公仔合照，靚湯上月又帶馬明同媽媽慶祝生日，在媽媽生日的汽球影下疑似男友倒影，低調晒恩愛，可見他們已融入彼此生活圈，戀情獲得全城祝福，唔少人都希望佢哋快啲拉埋天窗！而靚湯昨日又出招冧男友，喺社交網上載幾張着住唐老鴨T-Shirt嘅相，隔空向馬國明傳情，真係Sweet到爆！
相關新聞：【閃盲網民】湯洛雯 馬國明著情侶裝現身飯局 靚湯IG展示指甲「意外」曬恩愛
（圖片：湯洛雯IG）
靚湯先後上傳三張穿上唐老鴨卡通公仔的黑tee，只見她坐在海邊大晒美腿，又輕咬紅色眼鏡，笑容燦爛，真係青春可人。很多網民把焦點落在靚湯身穿的黑色唐老鴨衫上，覺得係另一類的放閃方法，事關馬國明出名係唐老鴨忠實粉絲，曾經講過家中有萬件唐老鴨珍藏，每年更會全家為唐老鴨公仔買蛋糕慶生。網友都紛紛留言：「Donald duck的衣服是亮點」、「肯定係專登話畀某人聽㗎喇（男友視覺閃閃閃）」、「馬明最鐘意的唐老鴨，另一種的放閃方法」。
靚湯將「馬明最愛」着上身（圖片：湯洛雯IG）
（圖片：湯洛雯IG）
至於馬明同靚湯互動更加係閃盲大家！湯洛雯於第一張相先留言：「Good weather keeps me positive（好天氣給我正能量）。」馬國明兩小時後即回心心眼Emoji，隨後第二張馬國明又秒回覆女友：「鴨。」加埋心心眼。
兩人隔空傳情，好sweet！（圖片：湯洛雯IG）
（圖片：湯洛雯IG）
靚湯意猶未盡，今早再出第三張大頭靚樣照，寫道：「When I look into your eyes...」馬國明即刻以代表女友的獨角獸公仔貼圖傳情，表示眼中只有靚湯。馬明次次都極速回應咁捧場，網友都認唔住講：「一向低調和cool的馬明都给熱湯溶化」、「甜啊， 結婚結婚 ！」
呢個笑容甜死人啦！（圖片：湯洛雯IG）
馬明即刻表示佢眼中只有「獨角獸」（圖片：湯洛雯IG）
馬國明幾年前接受過《兄弟幫》訪問，曾被問到會否為唐老鴨放棄女友？當時他答話好大機會，但粉絲現時不用擔心，事關馬明感染埋女友，靚湯同佢一樣咁鍾意唐老鴨，兩人興趣一致呀！
（圖片：馬明IG）
馬國明接受《晴報》訪問時，被問到靚湯件唐老鴨T SHIRT係咪兩人一齊去買，馬明就甜蜜回應：「係佢自己去買，最緊要佢開心啦！」至於問到會唔會整返件獨角馬衫一齊著，氹下女朋友時，馬明哈哈大笑：「暫時應該唔會，獨角獸衫全部女裝多，冇乜男裝。」
撰文：羅慧怡