繼日前馮盈盈客串《愛回家之開心速遞》後，劇集又有新驚喜。事關昨晚一集《機場特警》「宋天機」於劇中驚喜現身，許家傑分飾「送水輝」及「宋天機」一角，兩人在劇中同時出場，擾亂大小姐（林淑敏飾）等人之餘，有網民更留言指今次crossover好正，笑指是「愛回家之機場特警」、「可以一次過睇得到輝同天機演繹/性格上嘅分別」等。在《機場特警》飾演警察的張振朗更「亂入」指：「今晚過嚟拉（拘捕）你」。睇嚟唔少網民都幾buy今次劇組嘅安排。
(圖片：《愛回家之開心速遞》電視截圖)
相關新聞：《愛回家》送水輝預告「宋天機」將亂入劇情 否認離開劇組 想辦法討好大龍生
昨晚劇情提到，大小姐覺得與送水輝的拍拖生活枯燥乏味，偶然見送水輝動怒令她甚覺得有新鮮感。而金城安（周嘉洛飾）和Terry（李偉健飾）在銀行遇上與送水輝一樣的宋天機（許家傑分飾），他卻表示不認識他們，而他更是打劫銀行的同謀。之後，有著同一臉孔的送水輝被帶返警署問話，警方及後抓到真正的劫匪宋天機，兩人相遇，驚覺對方跟自己十分相似。
(圖片：《愛回家之開心速遞》電視截圖)
(圖片：《愛回家之開心速遞》電視截圖)
(圖片：《愛回家之開心速遞》電視截圖)
(圖片：《愛回家之開心速遞》電視截圖)
(圖片：《愛回家之開心速遞》電視截圖)
相關新聞：【機場特警】許家傑因恨變殺人狂炸死關禮傑 目露凶光奸笑成魔 演技備受讚賞
宋天機得悉大小姐與送水輝的關係，之後逃脫更跟蹤兩人到餐廳。言談間，大小姐邀請送水輝回家欣賞其父送她的過億紅寶石頸鍊，送水輝婉拒，但被宋天機偷聽到，更打暈去如廁的送水輝，並喬裝是對方。回來後更想立即前往力蓮家中，借以偷取頸鍊。而一路上大小姐一直都不覺得眼前的「送水輝」行為有異，更以為對方是想給予其新鮮感。直至真正的送水輝醒來，前往大小姐家，大家眼前見到兩個「送水輝」，分不清孰真孰假。最後大小姐打算「獻吻」，才能找出真正的送水輝。
(圖片：《愛回家之開心速遞》電視截圖)
(圖片：《愛回家之開心速遞》電視截圖)
(圖片：《愛回家之開心速遞》電視截圖)
不少網民大讚今次「雙宋相遇」同宋天機亂入《愛回家》非常有驚喜。「呢個cross over 真係好正！好耐冇見天機啦。」、「可以一次過睇得到輝同天機演繹/性格上嘅分別」、「頭先睇嘅時候我都分唔出，邊個係送水輝邊個係宋天機呀」、「宋水輝宋天機傻傻分不清」。睇嚟唔少網民都幾buy許家傑今次分飾兩角嘅安排，相信亦都係對佢演技嘅一大考驗！
(圖片：《愛回家之開心速遞》電視截圖)
許家傑接受《晴報》訪問時，直言角色對他有難度：「好難呀，但好好，好多謝編劇，咁都諗到。我都估唔到宋天機會再次出現，仲要喺《愛回家》出現，有種莫名感動。除咗多謝編劇，仲要多謝導演，因為佢係咁啱同我一齊拍《機場特警》，佢知道點教我拿捏返呢兩個角色。」
(圖片：許家傑IG)
而問到尋晚劇集出街後觀眾的反應，許家傑笑言：「尋晚反應大家都同我講覺得送水輝平時太和善，宋天機咁man，會唔會因宋天機的出現而令送水輝有咩轉變或者變得唔一樣，呢個反而令我幾期待。」
(圖片：許家傑IG)
有些網友表示自從大小姐返接龍後，擔心許家傑少咗好多戲份。但許家傑就向網友派定心丸：「間唔中多啲少啲都係好正常，大小姐返接龍後，毫無疑問我係少咗出現，我諗都係短時間。」
(圖片：許家傑IG)
許家傑又表示無工開的時間會用來進修，他說：「以前日日開工都無停過，呢排多時間學多啲嘢，如Keep返身形、學打拳，趁有時間進修吓自己。」
(圖片：許家傑IG)
相關新聞：《愛回家》馮盈盈客串島大女神引死大學生 雙面人淋紅油為大芬姐報仇
撰文：林惠珊