現年38歲,有「翻版霆鋒」之稱嘅前亞洲電視藝人伍偉樂,日前(14日)喺社交平台分享自己嘅九巴職員證。
佢接受本報訪問,原來早喺4年前佢已經見過九巴招募車長嘅廣告,當時覺得人工唔錯,只係影低咗,冇理到。呢排佢受到新冠肺炎疫情影響,工作減少,令佢諗番起個廣告,決心轉行:「今年冇晒婚禮司儀、廣告、配音嘅工作邀請,係零呀。我曾經上網賣波鞋,賺好少錢。去九巴應徵,佢安排我試車、上堂、考牌,咁就做咗巴士司機。7月15日第一日返工,今日完咗第二日。冇乘客認得我,訓練嗰陣有導師認得我,同學仔唔認得,可能佢唔睇亞視啩。」
雖然只係做咗車長兩日,不過佢已經好大感受:「巴士司機每日做嘅嘢都一樣,但使命感重,有少少差錯已經足以致命,所以我都有諗清楚,做就認真做。今日有個媽咪送兩個女上車,嘩人哋媽咪肯將個女畀我車佢哋去目的地,嗰個感覺原來咁大。」
{{hket:inline-image name="Od8zFd8p-ScqNtDcVnD2JwRnio2qVka2G8S82RvEvNk.jpg"}}{{/hket:inline-image}}
(伍偉樂instagram圖片)
伍偉樂喺亞視訓練班畢業,主力擔任兒童節目主持,亦有演出劇集,效力咗亞視14年。回想以前拍劇嘅日子,伍偉樂話喜多過悲:「做藝人辛苦係諗嘢諗多咗,所以好多藝人都有精神病,我都會諗壞腦。但拍《我和殭屍有個約會III之永恆國度》、《香港奇案實錄》嗰時,好多人喺街認得我,依家媽咪級、牛高馬大都話睇過我,係窩心嘅。」離巢後,佢主要擔任婚禮司儀同商場活動主持,偶爾會參與廣告拍攝。
{{hket:inline-image name="Whm.jpeg"}}{{/hket:inline-image}}
(亞視電視截圖)
伍偉樂係香港明星足球隊其中一員,同譚詠麟、吳岱融、張兆輝、梁漢文等人係波友,佢同馬國明關係特別好。雖然伍偉樂得閒就會同班藝人約出嚟聚舊踢波,去過中國、澳門等地參加比賽,不過始終去唔返之前嘅身形,連佢都話自己由謝霆鋒變咗做「麥包」麥長青。
{{hket:inline-image name="Wh.jpeg"}}{{/hket:inline-image}}
(伍偉樂instagram圖片)
{{hket:inline-image name="Wh07.jpeg"}}{{/hket:inline-image}}
(伍偉樂instagram圖片)
伍偉樂同圈外女友喺2015年拉埋天窗,當日花費近百萬喺酒店筵開30席,請咗亞視同TVB藝人,如黃日華、羅家英等,佢接受過傳媒訪問話婚後要開始慳住使,有錢都留畀老婆使咁話。
▼結婚相
{{hket:inline-image name="W.jpeg"}}{{/hket:inline-image}}
(伍偉樂instagram圖片)
依家伍偉樂要養4個小朋友,生活使費多咗好多,所以佢太太一早為仔女開咗instagram帳戶同facebook專頁,偶爾接唔同產品嘅廣告邀請。伍偉樂嘅囝囝就曾經被廣告商睇中,有份喺尿片廣告出鏡㖭!佢都承認仔女表演慾好強,不過佢講到明唔打算培訓佢哋做星二代。
{{hket:inline-image name="23B3B211-CCF1-45A9-BBB8-E849CA37017F.jpeg"}}{{/hket:inline-image}}
(伍偉樂仔女instagram圖片)
{{hket:inline-image name="Whats16.jpeg"}}{{/hket:inline-image}}
(伍偉樂instagram圖片)
伍偉樂又指:「有時工人姐姐放假,忙到一頭暈,好似打仗,小朋友食飯、沖涼、抺地、氹佢哋瞓覺、換衫,踢晒腳,個人好似喪屍。老婆好攰,瘦晒,佢依家身體都唔係幾好,我都擔心佢。」
知道老婆一拖4好辛苦,佢喺社交平台公開講過甜言蜜語冧老婆:「我成世人做錯的事多,做對的事少,感激開心遇到你」。雖然老婆主力負起照顧仔女嘅責任,但身為廿四孝爸爸嘅佢工餘時間都會帶仔女周圍去,游水、行山、玩水、踩單車等,好盡責。
▼要湊4個真係唔易
{{hket:inline-image name="WhaPM.jpeg"}}{{/hket:inline-image}}
(伍偉樂instagram圖片)
{{hket:inline-image name="WhaM.jpeg"}}{{/hket:inline-image}}
(伍偉樂instagram圖片)
撰文:張芷晴
責任編輯:黃蘊姿
-
《愛回家》龔燁丨玫瑰崗中學被殺校最後開放日 張景淳拍片回憶滿滿大表不捨 |
|
-
清明節|3類人忌清明掃墓 玄學家:1個鐘數前回程避晦氣 |
|
-
-
-
中年好聲音2│劉可見偶像蔡琴零怯場清唱獲讚 獨特個性狂吸粉絲春茗滿場飛 |
|
-
減肥大作戰︱靚女YouTuber自創瘦身食譜不挨餓減重33磅不復胖 簡易腹肌操練成迷人身段 |
|
-
保單逆按自製長糧 | 充裕退休儲備 + 保障家人GET!(附個案說明) |
|
-
-
-
胸悶、頭脹、手腳麻痺?黃祥興不靠藥物 1個月拆走血管炸彈 重拾醒神健康 |
|
-
私密處痕癢、灼痛、異味來襲 Grace教路:每日1粒解決「私密」問題 |
|
-
-
唔止面黃 生痘痘 長期攰都可能肝損傷 黃祥興逆轉肝機能 慶幸及早護肝 |
|
-
您也可能喜歡...
-
《變色龍》潘志文著亞視風褸敘舊 御用「中風王」奉獻演藝事業半世紀
|
-
恩師失蹤袁文傑心急如焚尋人 亞視人情味濃 劉錫賢曾死守娘家
|
-
【亞視花旦】龐秋雁童年受折磨曾三度小產 靠一法堅強面對 51歲容貌零走樣
|
-
【亞視永恆】52歲林文龍出任亞視副總裁 與郭可盈走過風雨不讓她復出
|
-
【亞視忠臣】劉錫賢親爆跳槽無綫被嫌一樣嘢 278磅曾患重病 秋生米雪爭住幫
|
-
【法證先鋒IV】Queen姐心軟想原諒偷食男友? 陳煒被亞視翻舊片抽水零變樣
|
-
【法證先鋒IV】袁潔儀攬譚俊彥和好爆喊好好戲 曾因一事被亞視高層狂鬧成心結
|
-
【又走一個】田蕊妮亞視過底無綫爆發潛能 效力12年完約:計劃追不上變化
|
【前亞視藝人】「翻版謝霆鋒」伍偉樂轉行揸巴士 養四子女「斷擔挑」感激妻共患難 - 晴報 - 娛樂 - 中港台 - D200716
謝霆鋒,伍偉樂,九巴,亞視,新冠肺炎,疫情,模特兒,馬國明,香港明星足球隊
【前亞視藝人】「翻版謝霆鋒」伍偉樂轉行揸巴士 養四子女「斷擔挑」感激妻共患難 - 晴報 - 娛樂 - 中港台
現年38歲,有「翻版霆鋒」之稱嘅前亞洲電視藝人伍偉樂,日前(14日)喺社交平台分享自己嘅九巴職員證。 佢接受本報訪問,原來早喺4年前佢已經見過九巴招募車長嘅廣告,當時覺得人工唔錯,只係影低咗,冇理到。
https%3A%2F%2Fskypost.hk%2Farticle%2F2697882%2F%E3%80%90%E5%89%8D%E4%BA%9E%E8%A6%96%E8%97%9D%E4%BA%BA%E3%80%91%E3%80%8C%E7%BF%BB%E7%89%88%E8%AC%9D%E9%9C%86%E9%8B%92%E3%80%8D%E4%BC%8D%E5%81%89%E6%A8%82%E8%BD%89%E8%A1%8C%E6%8F%B8%E5%B7%B4%E5%A3%AB%20%E9%A4%8A%E5%9B%9B%E5%AD%90%E5%A5%B3%E3%80%8C%E6%96%B7%E6%93%94%E6%8C%91%E3%80%8D%E6%84%9F%E6%BF%80%E5%A6%BB%E5%85%B1%E6%82%A3%E9%9B%A3
https://skypost.hk/article/2697882/前亞視藝人-翻版謝霆鋒-伍偉樂轉行揸巴士-養四子女-斷擔挑-感激妻共患難
https://resource01-proxy.ulifestyle.com.hk/res/v3/image/content/2695000/2697882/c09ccd91-44d1-4fab-a283-ebd89cc85f70_1024.jpg
https://resource01-proxy.ulifestyle.com.hk/res/v3/image/content/2695000/2697882/
娛樂
中港台
514
2697882
514
514002001
娛樂 中港台
模特兒,吳岱融,羅家英,麥長青,譚詠麟,謝霆鋒,梁漢文,新冠肺炎,亞視,TVB,九巴
娛樂,娛樂人物職業,模特兒,實體詞,人物,吳岱融,實體詞,人物,羅家英,實體詞,人物,麥長青,實體詞,人物,譚詠麟,實體詞,人物,謝霆鋒,實體詞,人物,梁漢文,實體詞,疾病/痛症/損傷/病徵,新冠肺炎,實體詞,品牌,亞視,實體詞,品牌,TVB,實體詞,品牌,九巴
謝霆鋒,伍偉樂,九巴,亞視,新冠肺炎,疫情,模特兒,馬國明,明星足球隊
伍偉樂 藝人 廣告 仔女 圖片 老婆 香港 九巴 小朋友 亞視 電視 主力 社交平台 譚詠麟 吳岱融 身形 車長 張兆輝 梁漢文 太太 明星 足球隊 巴士 司機 酒店 帳戶 導師 訓練 嗰陣 同學
2020-07-16
前亞視藝人-翻版謝霆鋒-伍偉樂轉行揸巴士-養四子女-斷擔挑-感激妻共患難