【聲明】港生活網站並無進行電話推廣活動

園藝治療 助ADHD學童身心健康

發佈時間: 2020/07/17

園藝治療有助平復心情,基督教家庭服務中心早前推出「心靈綠洲」計劃,協助156個過度活躍症(ADHD)小學生接受園藝治療,仲幫超過380位老師同156個家長做培訓,效果仲好好㖭。黛安問過計劃負責人何啟邦,佢話參與「心靈綠洲」計劃嘅ADHD學童,無論喺負面情緒、社交能力、低自尊等方面都有改善,而且逾90%家長都認同仔女嘅交流技巧都有改善,真係好令人鼓舞。

中心話,有見計劃咁成功,於是特別整咗本《園藝治療種出正面情緒》電子手冊,免費畀教育界同社福同工下載,除咗講解園藝治療理論、操作方式,仲有20款植物同33個園藝治療活動等實用資訊,希望幫到有ADHD嘅小學生建立正面情緒。

撰文: 黛安 消息特靈八卦公關
欄名: 八卦名利場