【出道25年】楊千嬅曬21歲舊照爆囝囝唔認得 感觸長文吐心聲：少女變中女

歌手楊千嬅參加1995年第14屆新秀歌唱大賽奪得銅獎入行，不經不覺，佢已經出道25周年，尋日佢喺社交網站曬出21歲時嘅舊照，懷緬一番。

{{hket:inline-image name="12.jpg"}}{{/hket:inline-image}}

(楊千嬅instagram圖片)

{{hket:inline-image name="13.jpg"}}{{/hket:inline-image}}

(楊千嬅instagram圖片)

相裡面嘅楊千嬅烈焰紅唇配橙色眼影，妝容好有年代感，睇落同當年已經爆紅嘅Sammi鄭秀文非常相似，難怪佢自出道已經被叫做「翻版Sammi」。有人就留意到當中一張新秀合照中滕麗名同陳奕迅都喺度，當日寂寂無名嘅佢哋今日都已紅係娛圈中有一定地位，網民都大嘆呢張相真係好經典。楊千嬅仲自爆其實自己21歲嘅呢個樣, 連佢囝囝Torres都唔認得，佢問：「Mom,who is she？」搞到千嬅都唔知點答佢好。

{{hket:inline-image name="14.jpg"}}{{/hket:inline-image}}

(楊千嬅instagram圖片)

楊千嬅自嘲由少女變成中女，撰長文講述心聲：「笑中有淚，淚中帶序，我人生算是盛載很多眼淚的一位女歌手了(水瓶座音樂此時響起）跟著時代巨輪走到現在，從來沒有想像過，一剎那，一個疫情可以改變整個世界。人生中經歷過的不管好與壞，成功或失敗，開心與傷心，一切都是珍貴的，活著很感恩。」

楊千嬅不忘多謝所有共事過嘅朋友、合作過嘅唱片、經理人公司伙伴、音樂製作人、填詞老師、樂手、演員、歌手，仲有所有一直義無反顧支持佢包容與體諒佢嘅歌迷：「不管大家在路途上，上車或下了車，待過我好的，一輩子放在心裡，因為好不容易遇見愛，所有都是最好的債。人生在倒數，餘下時間，我會繼續努力活著，好好鍛鍊（練），珍惜身邊愛我的人，我最愛的家人，實踐自己的夢想，堅持做自己喜歡的事。」最後楊千嬅提醒大家要注意健康，對抗疫情：「疫情仍然嚴峻，日子不好過，我們一起齊心抗疫，不要鬆懈。努力堅持，身體健康，期待下次一起慶祝『大壽』」

入行多年，楊千嬅一向都被稱為「大笑姑婆」平易近人，同圈中好多人都係老死，不過原來佢同黎明以Wyman及黃偉文都曾傳不和。佢曾接受電台訪問坦言07年轉投黎明旗下Amusic嗰陣被傳同黎明交惡，令佢遇上事業低潮期，佢話：「際遇呢啲事我控制唔到，人要經歷起跌，我好樂天，可能係我當時嘅唱歌技巧冇好好掌握到。」另外佢都有傳佢同Wyman不和，有指Wyman為陳奕迅嘅《最佳損友》填詞就係描述同楊千嬅之間嘅關係。不過楊千嬅否認，佢話冇合作唔代表佢對嗰個人有負面睇法，又指：「我嘅宗旨就係佢一日係我朋友，呢一世都係，我唔會聽人亂講，我亦相信《最佳損友》唔止寫畀我一個。」

{{hket:inline-image name="11.jpg"}}{{/hket:inline-image}}

(黎明facebook短片截圖)

撰文：張芷晴
責任編輯：黃蘊姿