【夢想與麵包】林師傑為歐陽巧瑩毅然離巢無綫 呻窮呼籲歌迷課金支持最實際

前TVB藝人林師傑依家已經正式離開TVB，重新出發做獨立歌手。林師傑09年參加歌唱比賽《超級巨星》入行。11年來，林師傑唱歌表演機會較少，反而演過唔少劇集，最為觀眾熟悉嘅角色就係《愛回家》木偶哥、《十八年後的終極告白》吹水。佢話因為合約問題，佢從來冇做過男主角，未拍過劇集海報。

{{hket:inline-image name="11.jpg"}}{{/hket:inline-image}}

(《愛回家》電視截圖)

{{hket:inline-image name="12.jpg"}}{{/hket:inline-image}}

(《十八年後的終極告白》電視截圖)

日前佢喺Yahoo TV一個節目大談佢入行多年嘅辛酸，又講到自己點解最後會選擇毅然離開合作多年嘅TVB。

林師傑坦言做藝人收入好唔穩定，有段時間喺翡翠台、國語台、J2出鏡，加上亦有喺外面接表演工作，最高月薪試過有6位數；然而佢初入行因為參加咗9個月《超級巨星》比賽，冇其他演出，亦試過成個月都冇收入。

{{hket:inline-image name="13.jpg"}}{{/hket:inline-image}}

(Yahoo TV短片截圖)

直到近期，林師傑指公司想同佢轉合約，一年6個騷，有萬二蚊保證收入，即每月平均1000蚊，佢話：「我最大考慮係我老婆，同埋我好想有自己嘅家庭，想有小朋友。養唔到屋企，都照做？同個仔交代唔到，好難教佢點做人。」佢好擔心將來個仔會以佢嘅例子作為自己唔努力嘅藉口，所以好快就唔打算簽合約，最後同歐陽巧瑩商量，決定用其他途徑追夢，佢話：「呢個數...幾想追夢都唔係咁追。」

{{hket:inline-image name="14.jpg"}}{{/hket:inline-image}}

(Yahoo TV短片截圖)

林師傑指父母曾經入過第11期TVB藝員訓練班，佢指父母同期同學有梁朝偉、周星馳、吳鎮宇等，不過二人都係讀到一半就轉工。同父母唔一樣嘅係，林師傑到今日仍然堅持追佢嘅演藝夢。

林師傑覺得入行11年所有決定都係自己選擇，並非人哋眼中嘅懷才不遇，亦冇嬲，反而覺得同TVB、星夢約滿係佢重新出發嘅契機。日前，林師傑喺佢嘅社交網宣傳佢即將會推出嘅新歌《尊悲不分》，並留言：「我有做錯，人太懂規則，偏執也算犯錯。」好多網民都留言支持佢。佢表示呢首歌係喺13年寫，後兩年一直編曲，只係冇機會出。最後佢喺節目中坦言：「冇錢呀，大家快啲畀錢我使啦，支持我嘅話，最緊要係財力上嘅支持。」

{{hket:inline-image name="19.jpg"}}{{/hket:inline-image}}

(Yahoo TV短片截圖)

{{hket:inline-image name="16.jpg"}}{{/hket:inline-image}}

{{hket:inline-image name="17.jpg"}}{{/hket:inline-image}}

(林師傑instagram圖片)

歐陽巧瑩即喺社交平台為老公打氣：「就算到最後乜都冇晒，我都會喺你身邊。你唔使擔心，唔使有壓力，只要有你，其他都唔緊要。」

{{hket:inline-image name="18.jpg"}}{{/hket:inline-image}}

{{hket:inline-image name="15.jpg"}}{{/hket:inline-image}}

(歐陽巧瑩instagram圖片)

撰文：張芷晴
責任編輯：黃蘊姿