《晚吹》補習名師爆入行要睇樣簽「賣身契」 面試似足娛樂圈試鏡要求多多？

不少家長望子成龍，除了日常返學之外，又會安排仔女去坊間補習社學習，於是衍生出很多補習名師和天王。由林二汶和余迪偉主持的ViuTV節目《晚吹—又要威又要戴頭盔》，最新一集就請來四位補習名師，跟大家分享行內秘聞，而且更大爆薪金待遇！

相關新聞：【護老院奇聞】《晚吹》看護爆腦退化翁被虐 老婆為長俸要求老公插胃喉吊命

{{hket:inline-image name="8t.jpg"}}{{/hket:inline-image}}

（影片截圖）

提到補習老師要如何入行，面試時有甚麼要求時，其中一位嘉賓就大爆都會睇樣：「我覺得呢行老師都有分兩派，有實力派同偶像派。但偶像派得嚟都要有實力嘅，始終係講求你喺學術上嘅教學方法，冇學術都教唔到。」余迪偉好奇問面試時會否像藝人試鏡一樣，一位嘉賓就答：「如果做大型補習社，佢哋會要求你自己準備一份教材，做個模擬課堂，可能教30分至45分鐘，在場都會有學生聽你點教。」亦有嘉賓表示自己面試三次先成功入職，仲要一路面試一路拍片。至於另一位一嘉賓就表示：「老細都會有好多要求，可能都會想課堂搞笑啲，同埋個人風趣幽默啲。」

{{hket:inline-image name="dh.jpg"}}{{/hket:inline-image}}

（影片截圖）

林二汶問到坊間指做補習天王好有錢，收入超高時，一位嘉賓就表示行內有很多老師都在「捱」：「收入有分旺季同淡季，旺季係臨近公開試嘅日子，高峰月入可以到6位數字。」，但不少大型補習社「食水深」，跟老師拆帳時，公司佔7至8成，老師收入又並非想像中多。不過嘉賓透露，如果是教主科，又很受歡迎的老師，亦可以月收入過百萬。

{{hket:inline-image name="pp.jpg"}}{{/hket:inline-image}}

（影片截圖）

{{hket:inline-image name="tw.jpg"}}{{/hket:inline-image}}

（影片截圖）

一位嘉賓提到大型補習社好醒目，會跟老師簽「死約」，類似賣身契，每月又要付很多雜費給公司：「我聽過最長嘅約可以去到10幾年，其實同娛樂圈好似，仲要係死約。當中有好多巧立名目嘅收費，例如要分擔租金，印筆記又要錢，仲有行政費，老師最後每個月可能只收到好少錢。加上有啲老師岀咗名之後，可能要請助教幫輕佢，個筆費用都係佢自己畀。」

{{hket:inline-image name="gw.jpg"}}{{/hket:inline-image}}

（影片截圖）

撰文：羅慧怡