《東張西望》女主持一向被讚有勇有謀，其中利穎怡近日採訪魚塘伯伯被騙案，採訪後更聯絡上義務律師，將會為伯伯伸冤，被網友讚是「正義女神」。其實利穎怡多次都採訪香港環境惡劣的狗場、鼠患或者家庭糾紛的個案，她都勇者無懼向有關人士提出質問，非常硬淨。不過近日她接受方紹聰和盧峻峯的網上節目《約女Yama嗲》邀請，一齊到南丫島行山傾偈。
相關新聞：《東張西望》主持利穎怡更新魚塘騙案後續 幫苦主根叔請律師獲讚正義女神
利穎怡唔只做採訪工作，還真心想幫忙受害的個案。(圖片：利穎怡IG )
利穎怡原來同方紹聰原本不太熟。(圖片：《約女Yama嗲》影片截圖)
期間談到《東張西望》最驚驗的一次採訪經歷，利穎怡說：「我哋去咗玉林狗肉節，去拯救啲狗，哇，超級驚，因為我哋係冇拎到採訪准許，期間係咁被唔同嘅機構追住我哋，佢哋要拎啲狗嚟食，我哋又要拯救啲狗，(差啲被暗殺嗰種？)係呀，我仲要同攝製隊分開咗，去到異地我自己拎住部電話係咁影，然後我同義工被人追到上車，我哋要去到一間酒店，前門入，走去後門上另一架車接走我哋。」方紹聰笑言《東張》的女主持應該要學功夫傍身，利穎怡說：「係，所以我依家學緊泰拳。」
講到「扮嘢」，利穎怡忍不住淚水。(圖片：《約女Yama嗲》影片截圖)
(圖片：《約女Yama嗲》影片截圖)
(圖片：《約女Yama嗲》影片截圖)
兩人最後飲和頭酒。(圖片：《約女Yama嗲》影片截圖)
不過，當他們一邊行一邊傾到比較深入的話題時，方紹聰對利穎怡不公開談感情事覺得好奇怪，笑笑口質疑她是否有偶像包袱，後來利穎怡禁不住眼淚，淚灑當場，她說：「我好好奇你哋成日話我扮嘢，你搞到我想喊，我真係冇扮嘢，《東張》有叫我斯文啲，冇叫我再活力一啲，我冇扮嘢。」她抹過淚水之後，繼續行山沒有扭計，她解釋每個人都有不同的一面，只是她將活力留在鏡頭前面。期間方紹聰繼續談討，利穎怡竟然笑笑口爆粗反擊說：「我同你真係熟唔到，我唔知你為人，但有種距離感，因為我冇乜同你傾過偈，每次你都好x假呀嘛！」
相關新聞：《東張西望》利穎怡被嘲「阿伯手」濕疹困擾局住停工影響情緒
(圖片：利穎怡IG )
兩姊妹高跟鞋在蘭桂芳大斜路要追逐，實在不容易。(圖片：《迷網》電視截圖)
(圖片：《迷網》電視截圖)
(圖片：《迷網》電視截圖)
(圖片：《迷網》電視截圖)
今次短片中，利穎怡流露出率直的一面，網友大讚真性情夠晒可愛，紛紛讚利穎怡鬧得好。而利穎怡的真性情也在拍劇一面表現出來，近日大家都留意到《迷網》中，她演高海寧的好姊妹，兩人夜蒲酒吧時見到好姊妹的男友懷疑出軌，即時偷偷跟蹤偷拍，演技非常自然。
她近日亦開拍《七公主》，跟江嘉敏有對手戲，日前江嘉敏指對手在劇中要摑她一巴，沒想到對方超大力，令她嚇到呆咗，無錯，出手嘅就係利穎怡，她在社交平台公開向江嘉敏道歉，她說：「一路聽前輩講話最驚打人，原來係真架。適逢最近兩套劇都要打人我以為自己有練開拳應該好容易就到力，點知原來更難因為你以為好細力人地（哋）可能已經覺得好大力...《七公主》我以為我就左（咗）力點知我見江嘉敏呆左（咗）一秒我就知中招啦～太大力 soooo sorry babe...我寧願比人打好過我打人啦！ 」打痛對方，公開道歉，利穎怡實在是真率有Guts，希望在不同的劇集都見到她的演出啦！
(圖片：利穎怡IG )
(圖片：利穎怡IG )
責任編輯：楊安莉