為請生日假扮中招頭暈作嘔 外傭見醫生即改口風 僱主：呢個時候玩嘢

本港新冠肺炎疫情嚴峻，出現咳嗽、嘔吐等情況或為染疫病徵，但一位外傭女僱主則指，日前外傭生日，卻因疫情未能外出及放「生日假」，便懷疑詐病扮頭暈、嘔吐，事主擔心其染疫，即帶她前往求診，未料見醫生即「改口風」，經檢查後亦無生病跡象，令事主大呻外傭「呢個時候玩嘢 」，令她要出入診所等高危地方。

一位外傭女僱主昨日（21日）晚上在Facebook群組「外傭僱主必看新聞訊息」中發文指，當日為外傭的生日，而對方早前曾暗示想請「生日假」到海洋公園遊玩，但她認為目前疫情嚴重，並不打算讓其放假外出，

「打算同佢屋企慶祝生日，訂咗蛋糕、買啲靚餸、封利是畀佢，冇之前同佢講，打算畀個驚喜佢。」

未料外傭當日一早便表示「好頭暈，夜晚嘔咗3次，有機會食錯嘢，好辛苦」，事主認為與新冠肺炎症狀相似，加上外傭周日放假曾外出，便帶她到診所預約就診。

當日事主先讓外傭休息，下午到診所求診，惟當外傭見醫生時卻突然「改口風」，聲稱自己「胃痛、冇嘔」，醫生為她量度體溫和血壓，以及作身體檢查，結果一切正常，認為徵狀不似感染新冠肺炎，並指其情況「不似有病」，令事主深感懷疑：

「我覺得姐姐是想放生日假，作故仔。」

僱主：浪費我時間同去高危地方

雖然一場虛驚，但事主對外傭懷疑扮病感不滿：

「個姐姐呢個時候玩嘢，要我出街，同去高危嘅診所，浪費我（成）個鐘頭時間排隊陪佢睇醫生，我屋企仲有個B，好在老公Home Office（在家工作）可以照顧，又要畀診金。」

她又指幸未有安排她去做病毒檢測，否則浪費醫療資源。不少網民看到帖文後，均認為涉事外傭有可疑，「如果佢係扮（病）嘅，咁呢個工人無咩良心，你哋對佢咁好」、「僱主出心出力出錢換嚟一肚火，仲要陪姐姐去高危嘅地方，點知原來係講大話」。

但亦有人認為應體諒外傭，形容「人哋生日病已經好慘」、「將心比心，你自己生日有得放都想放生日假啦，你無得放唔代表人哋唔想放」、「人哋想要假 ，生日唔想對住你，亦無想過要你利是同蛋糕，（僱主）一廂情願」。

每朝索取《晴報》：精明生活．健康家庭．開心娛樂

撰文：蘇麗儀