【迷網】陳曉華處女作出街網友有讚有彈 被批黐脷筋口齒不清 ：我箍緊牙

陳曉華（Hera) 在TVB劇集《迷網》中首次擔正做女二，飾演網絡科技調查組見習督察蕭美婷Denise。Hera的處女作至今播出7集，觀眾見到她的演出都有讚有彈。日前Hera於IG發文，講述自己拍劇的感受及得著，而網民就留言指對她初次演出表示欣賞：「加油呀、我覺得新人黎講你都唔錯」、「第一次拍劇表現算唔錯」；亦有人就狠批她演技：「表情硬，身體硬，對白似背書」、「勸你首先改善痴脷筋情況」。

{{hket:inline-image name="123.jpeg"}}{{/hket:inline-image}}

(圖片：《迷網》劇照)

{{hket:inline-image name="3.png"}}{{/hket:inline-image}}

（圖片：《迷網》電視截圖）

相關新聞：【迷網】 陳曉華處女作演技獲楊明大讚 黃祥興自爆曾墮網絡騙案

Hera於IG發文及post了一張幕後花絮照片：「大概三個月嘅拍攝過程，清醒嘅時候幾乎都係拎住本劇本睇，經驗少亦自知不足，所以想將勤補拙，每一分每一秒都努力，將自己睡不夠想飄走嘅靈魂留住，希望自己學得多，學得快追趕上大家嘅進度，多謝你地三個月滿滿嘅教導同陪伴。」

{{hket:inline-image name="110323268_1161280164248271_4105167972283452576_n.jpg"}}{{/hket:inline-image}}

(圖片：陳曉華IG)

不少網民都留言叫Hera繼續加油，指她新人而言表現可以收貨：「繼續努力 爭取更好表現」、「第一次拍劇表現算唔錯,星期五跌親手果幕可以演得更好」、「繼續加油，我覺得你講對白可以再講得清楚些，咬字清晰一些」。

{{hket:inline-image name="1.png"}}{{/hket:inline-image}}

（圖片：《迷網》電視截圖）

{{hket:inline-image name="23.png"}}{{/hket:inline-image}}

{{hket:inline-image name="12.png"}}{{/hket:inline-image}}

(圖片：陳曉華IG)

對於Hera的表現，網民有讚亦有彈。有網友就狠批她演技一般、讀對白似背書等：「其實新人來說你係TvB有史演技最唔掂，表情硬，身體硬，對白似背書，你唔係經驗問題，你係完全無天份，同埋痴脷筋好辛苦，連小朋友演技都好過你，你真係應該返去，讀幾年演藝班先。」、「勸你首先改善痴脷筋情況，聽你講對白聽得好辛苦」

{{hket:inline-image name="4.png"}}{{/hket:inline-image}}

(圖片：陳曉華IG)

而Hera接受《晴報》訪問時，回應網民對於指她「黐脷筋」的評論：「都係有架，拍攝嘅時候我仲係箍牙，發現原來箍牙講嘢真係會好難講得好清楚，當時拍攝已經又發現覺得唔係好清楚嘅情況，但都係盡量係有限嘅能力範圍下做到最好。今年啱啱三、四月先箍完牙，希望盡快可以習慣返講嘢清晰啲。」

{{hket:inline-image name="107889481_280575043005707_6355139909121845857_n.jpg"}}{{/hket:inline-image}}

(圖片：陳曉華IG)

當提到有網民指其演技同表情比較生硬，Hera表示：「呢套劇算係我第一個正式長時間拍攝嘅工作，一套劇拍大概三個月左右，開頭嘅時間都係非常緊張唔知應該點算好，自己經驗少又無咩天份，都係唯有靠勤力d（啲）、睇多d（啲）其他演員嘅演繹，都係有好多進步空間。」

{{hket:inline-image name="100491383_286048175755067_617971402151050968_n.jpg"}}{{/hket:inline-image}}

(圖片：陳曉華IG)

Hera又坦言為《迷網》一劇做了不少準備工作：「因為自己經驗少又唔係好知要準備咩，自己都有睇好多類似嘅劇，有同監製溝通大概想要咩感覺。自己準備得最多係體能方面嘅嘢，因為我自己唔係做開好多運動！但要同一班男同事一齊工作就唔想輸蝕！」

{{hket:inline-image name="6cd758b11ce91ad2c1ce029e871c1562saasftp20200221.jpg"}}{{/hket:inline-image}}

(圖片：東星娛樂)

相關新聞：【迷網】容天佑演追夢編劇融入司徒家 自小習武是截拳道第五代傳人

撰文：林惠珊
責任編輯：楊安莉