【九五至尊】 鄭敬基被網民讚冇老過難估年齡 童顏係包袱：演戲冇乜說服力

近日TVB深夜重播17年前嘅經典劇集《九五至尊》，劇中鄭敬基飾演廿四孝老公高勁，因為演技出色同童顏外表，得到唔少網民嘅留意。

{{hket:inline-image name="12.jpg"}}{{/hket:inline-image}}

(《九五至尊》電視截圖)

劇中高勁為人冇主見、耳仔軟，易被人呃，成日被老婆阿珠（陳琪飾演）打鬧責怪，佢次次都會氹番阿珠，李大蝦（江華飾演）不時喺背後幫佢。後來高勁被人落藥陷害，佢醒番發現自己同第二個女仔瞓埋一齊，心感內疚，對阿珠道歉。阿珠崩潰要求離婚，做單親媽媽，高勁為補救，經常偷偷幫輕阿珠。

唔少網民喺討論區讚鄭敬基好戲，表情、行為都演活到懦弱怕事嘅精髓，又大讚佢依家57歲個樣仲好後生，同當年30歲個樣一樣，冇老過，難估真實年齡。

{{hket:inline-image name="13.jpg"}}{{/hket:inline-image}}

(《九五至尊》電視截圖)

{{hket:inline-image name="11.jpg"}}{{/hket:inline-image}}

(《九五至尊》電視截圖)

{{hket:inline-image name="14.jpg"}}{{/hket:inline-image}}

(《九五至尊》電視截圖)

鄭敬基依然保持帶稚氣嘅童顏確係得天獨厚，日前佢接受Yahoo TV訪問時就話：「我以前都要童顏，覺得係好事。突然間你見到有人好殘嘅時候，你就會諗好彩有童顏。」不過鄭敬基慢慢覺得童顏原來唔係幾好：「我估依然要靠外表嘅人係對自己內在未肯定，我愈來愈唔需要呢個包袱，會影響自己事業。唔係話好戲嘅人冇童顏，有童顏嘅人好難好戲，冇咩說服力，如果作為一個演員幾失敗。所以心底裡，7成係唔想自己童顏，3成仲好眷戀。」

{{hket:inline-image name="15.jpg"}}{{/hket:inline-image}}

(Yahoo TV截圖)

或者鄭敬基認為童顏外表對佢嘅事業嚟講係一個包袱，不過正因為佢望落後生，當佢同第二任老婆Angie出街，其他人好難察覺佢哋原來相差19歲。

婚前，鄭敬基曾經對呢段關係有所掙扎，除咗因為兩個人年齡差距大之外，仲因為佢試過離婚，同前妻擁有一對仔女，亦怕再婚後會被Angie拋棄，所以曾叫對方考慮清楚。當時Angie好好，調番轉鼓勵佢，依家兩公婆成日周圍玩，相當恩愛。早兩個月鄭敬基對住Angie唱張國榮嘅《為你鍾情》，慶祝4周年結婚紀念日。回望當初，鄭敬基先知自己其實係信心唔夠，祝網民唔使再婚咁話。

{{hket:inline-image name="16.jpg"}}{{/hket:inline-image}}

(鄭敬基facebook圖片)

▼兩公婆髮型一樣

{{hket:inline-image name="17.jpg"}}{{/hket:inline-image}}

(鄭敬基facebook圖片)

鄭敬基喺80年代出道，憑住一首《酒杯敲鋼琴》風靡萬千少女，仲有喺劇集《卡拉屋企》、《烈火雄心》等入面嘅演出深入民心。

{{hket:inline-image name="20.jpg"}}{{/hket:inline-image}}

(TVB電視截圖)

早年佢移民過加拿大，喺13年回流返港重投演藝事業。佢去年疑因政見問題不被TVB續約，佢原定喺年初去馬來西亞開製作公司，不過因新冠肺炎疫情關係而被迫煞停。之後佢轉行做網紅，開設Youtube頻道「多事男人ToastMen」，請嚟唔同嘉賓探討時事熱話，偶爾會講兩性相處方法，如今已經有接近4萬人訂閱。

{{hket:inline-image name="18.jpg"}}{{/hket:inline-image}}

(YouTube截圖)

{{hket:inline-image name="19.jpg"}}{{/hket:inline-image}}

(YouTube短片截圖)

撰文：張芷晴
責任編輯：楊安莉