【聲明】港生活網站並無進行電話推廣活動

疫情下自我增值 梁詠琪學習水墨畫天份高

發佈時間: 2020/07/23

梁詠琪(Gigi)早前受疫情影響,所有工作暫停,她趁機上堂學習立體刺繡及法式甜品,最近更醉心學習水墨畫,十分好學。不過近日疫情大爆發,Gigi惟有暫停上堂,留在家中照顧女兒,她昨日接受《晴報》訪問時笑言︰「幫小朋友打發時間都幾頭痛。」

靚媽梁詠琪近日在社交網大曬其水墨畫作品,包括山茶花及荷花等,花朵畫得傳神,網民激讚Gigi甚有繪畫天份,有人打趣說要拜她為師。昨日Gigi接受本報訪問,笑言一直對水墨畫有興趣,但因工作繁忙沒時間去學;最近她獲朋友介紹一間畫廊,於是的起心肝學習。

Gigi說︰「間畫廊可以畀大人學水墨畫,小朋友就喺另一邊做小手工,大家一齊學,又可以畀小朋友知道學習唔係佢哋專利,大人都可以增值自己,學海無涯,唯勤是岸,有時間去學就唔好嘥!」

教女兒用廢物做手工

不過近日疫情肆虐,無得上堂的Gigi在家中避疫,更勤力練習畫功,連五歲囡囡Sofia也受她感染。Gigi說:「囡囡見到我畫畫都好有興趣,對畫具好好奇,佢自己無聊時都會攞啲畫筆同畫紙『撩』下。」

問Gigi如何與女兒打發時間?她笑說:「呢條問題係好多家長近期比較頭痛嘅事,我會上網搵啲手工idea,利用屋企嘅廢物做手工,好似廁紙筒、紙皮、雪條棍咁。另外,我盡量培養囡囡閱讀習慣,就算唔係睇緊書,都播住講故事嘅CD,培養佢嘅專注力。」若果女兒想落街走動,Gigi便一家人帶同愛犬到寓所樓下的山邊小徑散步,讓Sofia「放電」。

撰文︰倪小珊

編輯︰李潔盈

美術︰梁政敏

疫情下自我增值 梁詠琪學習水墨畫天份高

Gigi早前學造立體繡花,好學不倦。(FB圖片)

疫情下自我增值 梁詠琪學習水墨畫天份高

Gigi女兒Sofia與爸爸一起做手工。(FB圖片)