陳漢娜馮允謙廣播劇再續前緣

陳漢娜（Hanna）為馮允謙（Jay）新歌《地球來的人》MV任女主角，日前二人「再續前緣」，一同聲演電台廣播劇《探索號》。處女聲演的Hanna大呼好玩，因為以前甚少聽廣播劇，感覺很新鮮。

Hanna說︰「雖然係初嘗試，但過程好輕鬆，做廣播劇同拍電影一樣要睇劇本，但可能因為唔使對住鏡頭，反而壓力唔大，只要投放感情，聽眾一定聽得出，就好似講故事咁，成個過程好有趣。」與馮允謙再度合作，Hanna大讚對方性格開朗又專業︰「Jay雖然中文唔好，但好努力，事前做足功課，將劇本入面所有字寫上拼音去讀，所以正式錄嗰陣，佢讀每句對白都好流暢，完全唔發覺佢唔識中文！」