拍《戰毒》集集轉Look 索爆周秀娜迷暈黃宗澤

周秀娜、黃宗澤（Bosco）及吳千語等主演網劇《戰毒》，娜姐在劇中以多個不同形象上陣，包括文青女神、金融才女、性感索女等，加上她海棠春睡式深情對望，令劇中情人Bosco迷得暈陀陀。

網劇《戰毒》目前在「黃Viu煲劇平台」及Now TV上架播映，在劇中飾演反派的周秀娜，為了隱藏身份，每次出場都以不同形象亮相。娜姐說︰「其實我個角色好神秘，喺早段會有唔同形象，到劇集尾段就好似剝洋蔥咁，一層一層慢慢咁揭開我個真正身份，感覺好刺激，好開心演到呢個角色。」

扮羅嘉良情婦

娜姐在劇中既是羅嘉良的情婦，又與臥底黃宗澤有感情綫，她自言想保持角色神秘感，所以演繹時更要揣摩︰「拍攝期間我同導演、嘉良哥、Bosco傾下點演，佢哋幫咗我好多。」對於今次造型千變萬化，文青、貴婦、行政造型樣樣齊，娜姐笑言不用出動私伙︰「今次造型上真係好特別，起初有唔同形象，到後來身份揭穿後，就會成日着西裝。雖然今次係劇組方面揀衫，但我都有同佢哋溝通同畀意見。」

撰文、編輯︰李潔盈

美術︰梁政敏