平日在街頭不時會見到老人家執紙皮幫補生計，不過《東張西望》最新一集提到新蒲崗有一位婆婆，疑似利用這個方法，欺騙香港人的同情心行騙！主持阮嘉敏及攝製隊親自到訪，了解事件，而婆婆在受訪過程突然情緒激動，不斷拍打阮嘉敏，又用紙皮車撞她的腳，但她依然繼續鎮定地採訪落去，唔少觀眾都讚佢做得好好！
相關新聞：《東張西望》92歲老翁被親女鄰居連環行騙 失價值半億魚塘 戶口剩$5000
{{hket:inline-image name="852ad46e-30be-4500-a27a-054952ddcce4.jpeg"}}{{/hket:inline-image}}
（圖片：影片截圖）
該名婆婆於新蒲崗街頭漫遊，一邊推着紙皮，一邊向途人討錢，街坊亦見慣見熟。婆婆見到途人會形容自己身世可憐，住在父母遺下的270呎單位，無兒無女，稱自己係基督徒，絕對唔會講大話。婆婆會向途人說：「可唔可以畀啲嘢我食，紙皮又執唔到，如果畀$4我買個麵包就好」，當得到途人送贈的食物，就提岀更多要求，如：「我想食腸粉，你畀多$10我」、「我仲好肚餓，想食漢堡包。」從而獲取更多金錢和食物。
（圖片：影片截圖）
其後在節目中提到，有市民於網上爆料，早在一年前已見到婆婆駝住背推紙皮，引起不少人的同情心，於是有街坊不停地買食物同畀錢婆婆，但其實婆婆並非想像中咁貧苦，更疑似擁有兩層物業，用作收租和自住。
（圖片：影片截圖）
到底事情真相是如何？主持阮嘉敏上前跟婆婆聊天，她表示自己冇仔女，希望女主持做佢個女。不過當阮嘉敏禮貌地問到婆婆住私家樓抑或是政府房屋，平時是否都有問途人要錢時，婆婆突然性情大變，發怒：「邊個畀錢我呀？你畀錢我呀？日日都有人畀幾千萬我？」她情緒激動，企圖拍打阮嘉敏身體，又口岀惡言：「我住喺你個棺材，住喺你個屍體度。」阮嘉敏多次安撫婆婆，但不成功，她更用紙皮箱多次撞向女主持的腳，其後憤然離去。
（圖片：影片截圖）
（圖片：影片截圖）
婆婆情緒激動，用紙皮箱多次撞向女主持（圖片：影片截圖）
其後婆婆又口岀惡言（圖片：影片截圖）
儘管被婆婆不友善對待，但阮嘉敏鍥而不捨，繼續追查，發現到婆婆經常在一橦私人樓宇出沒，再次勇敢上前追訪。門口的保安員一見婆婆，即幫手開門，又快快口答主持人婆婆的確實在此處居住。其後節目組翻查土地註冊處資料，證實婆婆擁有的兩個單位，市值估計接近千萬元。亦有唔少網友都話多得阮嘉敏夠醒目，先可以揭發到婆婆當下講大話！
保安員一見婆婆就幫手開門（圖片：影片截圖）
婆婆被揭發擁有兩個單位（圖片：影片截圖）
阮嘉敏接受《晴報》訪問時，被問到對是次採訪經歷有咩感受時，她表示：「整個採訪過程入面我都冇受傷，多謝大家關心。其實做《東張西望》之後，我發覺香港有好多人都好有同理心和同情心，佢哋都好鍾意幫人好熱心，我見到香港人咁有愛，我自己都好開心。最後，希望真正有需要嘅人會得到幫助，咁就大家都開心啦！」
（圖片：阮嘉敏IG）
撰文：羅慧怡
責任編輯：楊安莉