近年演藝圈興起直播帶貨嘅風潮，唔少藝人都加入直播推銷產品，「獎門人」曾志偉都唔例外。早前，曾志偉喺直播賣酒接近5小時，一共介紹咗24款產品，累計觀看人數超過1000萬，創下超過人民幣1400萬（約1550萬港元）嘅銷售成績。當時有網民懷疑佢賣假酒，酒仙網急發聲明澄清，表示自己賣嘅都係真貨，亦表示有些人惡意留言，抺黑志偉哥同酒仙網。
(曾志偉抖音短片截圖)
不過好多人唔知，曾志偉試過喺直播途中曾經被靚女主動送抱，嗰個靚女就係曾經憑2011年電影《3D肉蒲團》而被香港人認識嘅藍心妍（前名藍燕）。尋日（23日）藍心妍喺instagram分享當時直播嘅節錄，仲加咗啲內心獨白：「是甚麼讓曾志偉前輩這樣開心？是因為我擁抱了他？還是因為我和洪天明哥為他加油？」
(藍心妍instagram短片截圖)
(《3D肉蒲團》電影截圖)
原來藍心妍同洪天明知道曾志健開直播，特登到直播現場支持佢，為佢加油。期間藍心妍突然攬住曾志偉，曾志偉先嚇窒，再露出尷尬笑容，講咗句：「男女不行！男女授受不親！」後來佢笑住咁解釋：「（抱）他（洪天明）可以。」
(藍心妍instagram短片截圖)
{{hket:inline-image name="17.jpg"}}{{/hket:inline-image}}
(藍心妍instagram短片截圖)
{{hket:inline-image name="18.jpg"}}{{/hket:inline-image}}
(藍心妍instagram短片截圖)
{{hket:inline-image name="19.jpg"}}{{/hket:inline-image}}
(藍心妍instagram短片截圖)
曾志偉自3月喺直播平台「抖音」開帳戶，短短4個月已經儲咗200多萬個粉絲。近日，佢頻頻拍片發揮搞笑本色，特別鍾意同其他藝人合作跳舞，例如有陳小春、張雙利、司雯嘉等，好受網民歡迎。不過有人讚就有人彈，部分網民就唔太睇好佢進軍直播界：「佢都半退休啦！仲做呢啲做乜！」、「名人加持的不一定是好貨？」、「真係冇得撈」
(曾志偉抖音短片截圖)
為解答網民疑問，曾志偉拍片自問自答，講出直播帶貨嘅心底話：「（你不覺得藝人直播帶貨是自降身價嗎？）順應時代潮流下一句是甚麼？為甚麼沒有人說一個演員去幫一個新導演？或是去一個新平台去拍電影是自降身價呢？抖音對我來講是個大眾的平台，憑我自己的努力，去收穫更多支持我的人。（那你為甚麼做直播帶貨？）喜歡為甚麼不去做啊？其實我挺喜歡這種實時互動的感覺，我希望能夠經過聊天的互動，讓我介紹一些好東西給大家，也分享一下我的生活與快樂。其實沒有觀眾粉絲的支持，就沒有我今天的一切，我要你們買對不買貴，我會盡我最大的努力去回饋粉絲。」
(曾志偉抖音短片截圖)
{{hket:inline-image name="13.jpg"}}{{/hket:inline-image}}
(曾志偉抖音短片截圖)
片段感動到唔少網民，大家紛紛留言：「說得太好了，好真實」、「真男人」、「做自己喜歡做的人生沒有遺產」、「實力就是實力，沒有誇大」
(曾志偉抖音截圖)
撰文：張芷晴
責任編輯：楊安莉