馬浚偉近日忙於為舞台劇《男人40CEO》進行綵排，不過由於近日香港新冠肺炎疫情嚴峻，政府的防疫措施不斷「加辣」，舞台劇是否能夠如期演出，仍然是未知之數。馬仔接受《晴報》電話訪問，他表示：「暫時都係觀望態度，我哋係線上排戲，我畫咗8月20日為限期，如果當時疫情仍然嚴重，咁可能舞台劇會安排延期。如果疫情穩定而政府又放寬返入座率到8成的話，我哋就會繼續做。」
相關新聞：【係咪圈中人？】馬浚偉拒借錢畀友人遭威嚇 「冇一個人有責任借錢畀你」
(圖片：馬浚偉IG )
日前，馬浚偉跟今次舞台劇的團隊上商台接受鄭裕玲（Do姐）主持的電台節目《口水多過浪花》訪問，Do姐問及馬仔的進修生活時，都不禁表示非常佩服。事關馬仔一向好學不倦，曾經先後報讀咖啡師課程，近兩年剛好完成了北京大學的EMBA碩士課程，由於疫情的關係，他完成論文之後，在網上以直播方式答辯，成功完成學業。雖然跟真正的碩士學位不一樣的，但他認為過程中獲得不少管理的知識，令他現時在管理自己的公司和生意都更加能夠得心應手。
(圖片：口水多過浪花FB）
(圖片：口水多過浪花FB）
剛剛完成兩年的課程，說時遲那時快，馬仔已經報名將於9月入讀香港浸會大學的中醫課程，馬仔表示：「今次浸大係報讀晚夜校課程，一星期返三日學，為期兩年，係一個中醫學全科的基礎課程。如果順利完成理論課同實習，讀完之後再考慮自己的時間同情況，可以選擇再進修6年全職的中醫課程，完成之後先可以考中醫牌照。不過，呢個暫時唔係我原意，我係想認識更多中醫理論，唔係諗住考牌。因為我對食療特別有興趣，之前同個專家傾開，佢建議我讀中醫嘅健康管理，我真係好興趣，希望完成呢兩年後可以向呢方面努力。」
相關新聞：馬浚偉走過抑鬱轉化助人動力 「死後總算貢獻過社會」
(圖片：馬浚偉IG )
(圖片：馬浚偉IG )
(圖片：馬浚偉IG )
(圖片：馬浚偉IG )
馬仔的媽媽和妹妹先後不幸患癌，令他對健康和食療都十分注重，他說：「中醫藥好博大精深，好多食療係對身體好，我都希望自己了解之後，可以幫到人，因為唔淨係藥性，反而係揀食物調補身體，從飲食著手，令大家都可以身體健康。」而馬仔自爆原來報讀不只一個課程，12月他又再報讀一個HKMA的兒童心理學課程，他說：「呢個係為我對自己未來一啲睇法做準備，不過課程係4個月為期，比較容易安排到。」馬仔好學不倦，心態上只是為了幫忙別人和為社會作貢獻，實在非常難得。
馬仔的媽媽曾經患癌，後來不幸離世。（圖片：馬浚偉IG)
責任編輯：楊安莉