TVB新聞主播一向靚女有學識，唔少人離巢後都有更好嘅發展。好似黃婉曼嫁咗畀會計師並生咗兩個女，後來開咗麵包學校同餐廳；黃麗幗就成為證券集團副總裁，上年再婚嫁商人，今年生咗個仔。除咗佢哋兩個，其他新聞小花一樣好勁。
駱文捷
駱文捷喺城市大學畢業，做過有線電視、亞視新聞同Roadshow。13年佢轉投無綫新聞，有次佢報國際新聞時，將墨西哥西部城市「瓜達拉哈拉」誤讀成疑似粗口，瞬即成為網上熱話。17年，駱文捷同總督察鄧翊几結婚，之後辭職。據駱文捷IG資料描述，如今佢轉職公關公司副總裁。今年，32歲嘅佢造人成功，日前佢喺社文平台貼自己腹大便便嘅相，被網民讚依然好索。
(TVB電視截圖)
{{hket:inline-image name="12.jpg"}}{{/hket:inline-image}}
(TVB電視截圖)
{{hket:inline-image name="14.jpg"}}{{/hket:inline-image}}
(駱文捷微博圖片)
{{hket:inline-image name="15.jpg"}}{{/hket:inline-image}}
(駱文捷facebook圖片)
利君雅
利君雅係土生土長香港人，亦係多族裔人士組織成員，畢業於浸會大學傳理科，曾任職有線新聞同其他傳媒機構。11年，佢加入無綫，成為首位香港非華裔中文新聞記者。15年，佢離巢轉職到香港電台擔任助理新聞主任，喺港台節目《視點31》做主持，現年34歲。
(TVB電視截圖)
(TVB電視截圖)
(香港電台電視截圖)
黃紫盈
黃紫盈畢業於中文大學新傳系，曾經到英國劍橋大學進修國際關係學。佢喺01年加入無綫新聞，曾經有傳佢同張文采因當值問題起磨擦，黃紫盈職位低過張文采，只好臨時上場報新聞，發生在直播期間委屈泛淚的畫面，一度成為話題。13年黃紫盈離巢，轉型做司儀，4年後成立製作公司，製作旅遊節目《盈悠型遊》系列，擔任監製兼主持。同時，黃紫盈成為教說話技巧嘅導師、KOL、企業顧問、德國甜酒代理，瓣數好多，33歲嘅佢坦言收入比以前多。
(TVB電視截圖)
(黃紫盈facebook圖片)
{{hket:inline-image name="27.jpg"}}{{/hket:inline-image}}
(黃紫盈facebook圖片)
周嘉儀
周嘉儀就讀浸會大學傳理學院廣播新聞系時已加入無綫新聞任實習記者，其後留任港聞組記者一年。05年，她成為新聞主播，先後擔任《香港早晨》、《午間新聞》、《新聞提要》、《晚間新聞》同《六點半新聞報道》嘅主播。15年周嘉儀離巢後，喺金融集團市場拓展部做聯席董事，現年37歲。
(TVB電視截圖)
(周嘉儀instagram圖片)
(周嘉儀instagram圖片)
羅鈺文
羅鈺文畢業於理工大學護理系，但佢選擇喺新聞界發展。佢曾經加入亞洲電視新聞部任記者同主播，之後修讀中文大學新聞系碩士課程，並加入無綫新聞。雖已晉升為首席主播，但佢喺18年依然離巢，轉任財經公司管理層。佢現年33歲，同空少老公結咗婚4年。
(TVB電視截圖)
(羅鈺文facebook圖片)
(羅鈺文facebook圖片)
撰文：張芷晴
責任編輯：楊安莉