【廿四孝老婆】林夏薇曬泳裝相賀結婚5周年 曾為老公擋負面新聞：最仰慕佢

日前（25日），林夏薇同老公莫贊生喺屋企慶祝結婚5周年紀念。雖然喺新冠肺炎疫情下，兩公婆唔可以出去用餐，不過莫贊生好有心，親自為林夏薇下廚，炮製咗個燭光晚餐，有蒸蟹同燒蝦等海鮮，配以清酒，令人食指大動。林夏薇喺社交平台留言大讚：「謝謝你為我精心准（準）備燭光晚餐！親自買餸親自下廚⋯簡單是幸福！家庭料理，家有大廚。」佢仲上載咗張著住白色泳衣，同老公合照嘅靚相放閃。結婚至今二人一直恩愛如初，呢5年嚟，林夏薇對老公好好，簡直係好老婆典範。

{{hket:inline-image name="16.jpg"}}{{/hket:inline-image}}

(林夏薇instagram圖片)

{{hket:inline-image name="17.jpg"}}{{/hket:inline-image}}

(林夏薇instagram圖片)

林夏薇喺2015年嫁畀身家被指高達20億嘅金融才俊莫贊生，婚後佢經常陪老公四圍飛，傾生意，為咗照顧家庭，佢更加一度停工。林夏薇曾經接受傳媒訪問，佢認為婚姻需要兩個人去經營，唔可以只有其中一方不斷付出。佢話老公好顧家，有時會投訴佢成日唔喺屋企，令佢醒覺唔可以長期忙於工作，應該要關心多啲老公。

{{hket:inline-image name="13.jpg"}}{{/hket:inline-image}}

(林夏薇instagram圖片)

林夏薇唔止抽多咗時間陪老公，佢仲為老公提供咗唔少生意上嘅意見。林夏薇自15年開始踩入飲食界，開設咗多間點心店、麵店和火鍋店，喺營商上有一定經驗，所以佢同老公有好多話題。佢話自己成日幫老公分析生意上嘅問題，希望幫老公分擔同減輕壓力，支持對方，認真唔話得。

{{hket:inline-image name="14.jpg"}}{{/hket:inline-image}}

(林夏薇微博圖片)

{{hket:inline-image name="15.jpg"}}{{/hket:inline-image}}

(TVB電視截圖)

另外，林夏薇仲入得廚房出得廳堂，不時喺屋企下廚整兩味氹老公。不過林夏薇就話老公勁啲，又讚老公浪漫、貼心、博學，令佢學到好多嘢。佢話自己好仰慕老公，甚至認為遇到呢個好老公係上世修嚟嘅福分，好識講嘢。

{{hket:inline-image name="12.jpg"}}{{/hket:inline-image}}

(林夏薇instagram短片截圖)

然而，兩公婆近年不斷被是非纏身。莫贊生屢被指欠債不還，曾經被人貼街招，當時林夏薇即刻喺社交平台連發三段文回應，幫老公擋醜聞。

{{hket:inline-image name="19.jpg"}}{{/hket:inline-image}}

(林夏薇instagram圖片)

上年又有人喺街上拉易拉架疑影射莫贊生，林夏薇終喺社交網站激動澄清：「這是2016年香港高等法院的判決書，而我先生當年只是這個官司的證人。自此判決後，我先生再無介入有關此訴訟的任何事務，也沒有接受過關於此事的任何委託。但是，從2016年10月開始欠債方為達到賴債的目的而不擇手段，仍用各種低劣、誣陷等手段不停的騷擾我們！對此，我們表示十分憤慨並強烈譴責！」，為老公護航。

{{hket:inline-image name="18.jpg"}}{{/hket:inline-image}}

(林夏薇instagram圖片)

一對夫婦最緊要係共富貴又能共患難，林夏薇就完美做到呢點。

撰文：張芷晴
責任編輯：楊安莉