【兩大視帝】陳豪最窮時冇工開欠10幾萬卡數 黎耀祥頭太大拍劇被嫌迫爆鏡頭

《殺手》兩大視帝黎耀祥同陳豪獲邀到節目《Tiger's Talk》，由林盛斌（Bob）和伍詠薇訪問他們，除咗講吓拍攝《殺手》嘅點滴，亦分享兩人昔日初入行的拍劇經歷 。

相關新聞：【TVB電視城靈異事件】吳卓羲拍戲遇怪事凌晨4點撞鬼 目睹「小朋友」穿門而入嚇餐死

{{hket:inline-image name="f.png"}}{{/hket:inline-image}}

《殺手》匯集兩大視帝！（網上圖片）

{{hket:inline-image name="s.jpg"}}{{/hket:inline-image}}

（圖片：大會發相）

黎耀祥於《殺手》飾演「閻武」，當中有大量武打戲，祥仔更表示在台灣廟宇的一場戲不慎傷腰，相當驚險。他說：「本身係想用威也，不過嗰度做唔到。我要踩上武師隻腳再起腳踢，點知佢頂唔住我隻手，兩個一齊跌落地，我墊底。我都驚一驚，因為尾龍骨一傷就好大鑊，但好彩又起到身，之後又繼續拍。」

{{hket:inline-image name="f.jpg"}}{{/hket:inline-image}}

（圖片：大會發相）

陳豪於節目大爆，自己初岀道時都有難捱的日子，試過最窮一年冇工開，欠下10幾萬卡數。他説：「我做模特兒時都搵到錢，不過當我有心做演員時，電影圈又唔太吃香，試過拍電影一句對白都冇。我開始冇嘢撈，一年都冇工開，之後完全冇收入，唯有卡數冚卡數，最後差唔多有成十萬卡數。」

{{hket:inline-image name="e.png"}}{{/hket:inline-image}}

（圖片：大會發相）

陳豪表示拍電影《晚九朝五》時，佢仲好後生，相當貪玩，幾乎每晚都去夜店夜蒲，可以一星期蒲足五晚，後來先突然醒覺。他說：「當時感覺就好似一盞射燈照住你，突然醒覺咁樣好浪費時間，係時候為人生做返啲嘢，於是就180度轉變，自此之後冇再踏足夜場，好努力為人生拼搏。」相反，祥仔就話自己完全唔鍾意夜蒲，人生只去過一次Disco。加上佢性格比較謹慎，鍾意量入為出，所以冇試過冇錢開飯。

{{hket:inline-image name="qq.png"}}{{/hket:inline-image}}

（圖片：大會發相）

Bob笑指兩位視帝嘅共通點係一樣「頭大」，陳豪憶起拍攝古裝劇《洛神》時的經歷，他說：「當時同蔡少芬拍檔，我又大又肥，成200幾磅，一打橫個人，蔡少芬個頭即刻感覺細咗。」而祥仔都笑笑口承認自己「頭大」，他說：「人哋成日話我個頭迫爆個鏡頭，叫我叫遠少少。」

{{hket:inline-image name="7H3A3707.JPG"}}{{/hket:inline-image}}

（圖片：大會發相）

撰文：羅慧怡

責任編輯：楊安莉