暖男陳豪自爆曾做蒲精

伍詠薇、林盛斌主持的訪談節目《Tiger's Talk》，近日訪問熱播劇《殺手》兩位男主角黎耀祥（祥仔）和陳豪（阿Mo）。回想由模特兒轉型入電影圈做演員，阿Mo直言曾捱過最窮的日子︰「我做模特兒時代幾搵到錢，不過當我做演員時，在電影圈開始無嘢撈，試過一年都無工開，完全無收入，惟有卡數冚卡數，差不多有成十萬蚊卡數。」他自爆曾經流連夜店，一星期蒲足五晚，後來突然醒覺不再夜蒲。伍詠薇追問為何夜蒲的日子遇不到他，陳豪說︰「可能唔同場，我同成班模特兒朋友落去！（多女仔埋身？）想係咁想，但永遠空手而回，自己溝唔到女咪睇人溝女。」

至於祥仔貴為三屆視帝，談及近年經常要「萬歲」請客，祥仔說︰「如果收工煞科，頂多幾萬蚊，都可以嘅。」他又提到，當年張衞健在舊清水灣電視城時，最喜歡放低幾千蚊請客，祥仔更大讚他︰「直接扣數唔使次次畀錢埋單，好有型！」