戴齊防疫三寶返新城開咪 啤梨︰聞到消毒味好清新

新城電台上周爆發新冠肺炎，新城知訊台執行總監程凱欣及另一員工確診，電台連日全面消毒。近日新城員工陸續復工，DJ啤梨（葉文輝）昨日全副武裝返新城開咪，他指公司每個角落都消毒乾淨，反而比街上更安全。

啤梨昨早回到位於黃埔的新城電台主持節目《全民必Buy》，節目完結後到門外接受記者訪問。啤梨戴齊「防疫三寶」，包括高防口罩、手套及帽子，又笑言回新城開工沒有壓力︰「我唔係太擔心，我同大部分香港人一樣，出街都會好謹慎，會戴手套、強勁嘅口罩、仲有戴帽，原本今日（昨日）諗住着雨褸，但覺得太熱。」

啤梨表示電台已全面深層消毒，所以返公司感覺安心︰「我覺得公司好清新，做咗咁多年，都未試過返公司聞到一陣消毒藥水味，我知公司每日唔止消毒一次，每個角落都好清新，反而喺街外壓力仲大啲。」他表示自疫情以來，每次開咪前，都用消毒酒精抹乾淨控制台，昨日亦帶備多對防疫手套送給控制台操作員。

再做檢測求安心

啤梨自言上周在家工作五天，利用電話做直播，因為想減少公司人流，所以他會與節目拍檔思敏輪流返公司開咪。問到啤梨太太會否擔心他回電台開咪？啤梨笑說︰「太太當咗我去外國讀書咁，每日出門口前都會幫我執齊晒消毒用品，相信消毒用品夠我用幾日。」他日前做新冠病毒檢測，結果呈陰性，他表示稍後會做多一次以求安心，而太太也做了檢測，正等候檢測報告。

採訪︰Pauline

編輯︰李潔盈

美術︰梁政敏

攝影︰林良明