【《三十而已》】 高海寧大陸劇怒摑小三上熱搜 被網民鬧仍能淡定回應

高海寧呢排嘅曝光率相當高，唔只劇集《殺手》、《迷網》中都有佢嘅身影，依家大陸播緊嘅新劇《三十而已》都有佢份。雖然高海寧只係出演咗兩集，但佢連日嚟上咗微博熱搜，討論度竟然多過女主角江疏影。

{{hket:inline-image name="13.jpg"}}{{/hket:inline-image}}

(微博截圖)

劇中高海寧飾演梁正賢（馬志威飾演）未婚妻趙靜語。佢哋拍拖7年表面上好恩愛，但原來梁正賢每隔一段時間覺得新鮮感過咗，就會出軌。今次梁正賢偷偷搭上王漫妮（江疏影飾演），趙靜語知道後馬上飛到上海，去王漫妮工作嘅名店，用各種方法折磨佢。

{{hket:inline-image name="19.jpg"}}{{/hket:inline-image}}

(電視截圖)

{{hket:inline-image name="20.jpg"}}{{/hket:inline-image}}

(電視截圖)

後來趙靜語同王漫妮對質，王漫妮一臉理所當然，堅持好愛梁正賢，仲話想辭職：「我不幹了，你還能怎樣？」趙靜語二話不說一把摑落去。

{{hket:inline-image name="18.jpg"}}{{/hket:inline-image}}

(電視截圖)

{{hket:inline-image name="22.jpg"}}{{/hket:inline-image}}

(電視截圖)

{{hket:inline-image name="23.jpg"}}{{/hket:inline-image}}

(電視截圖)

事後好多大陸網民大讚高海寧嘅演出令人眼前一亮，唔止有氣勢，語氣拿捏仲好到位。

{{hket:inline-image name="11.jpg"}}{{/hket:inline-image}}

{{hket:inline-image name="12.jpg"}}{{/hket:inline-image}}

(微博截圖)

不過有人讚就有人彈，有大陸網民喺微博發文暗寸高海寧唔夠資格掌摑女主角江疏影：「就你也配扇江疏影耳光？」高海寧見到評論後虛心回應：「我剛開始真的不敢，是疏影姐給的膽子，叫我真真地打，她非常專業，很開心可以跟她學習」

{{hket:inline-image name="16.jpg"}}{{/hket:inline-image}}

(微博截圖)

有網民就叫高海寧唔好在意刻薄嘅評論，亦有網民提醒高海寧有定心理準備接受負評：「內地粉圈氣氛不太好」高海寧笑指自己唔係咁脆弱：「入戲太深，懂的。放心，沒事兒，《三十而已》的女人就是這麼淡定，哈哈！」

{{hket:inline-image name="17.jpg"}}{{/hket:inline-image}}

(微博截圖)

唔少網民見到高海寧咁高EQ回應，紛紛幫佢講說話，最後該名大陸網民將評論刪除。後來高海寧再度回應，希望平息紛爭：「大家看劇的帶入感這麼強，我作為這套劇的演員感到非常開心，客觀討論沒問題，但爭論不休就沒必要了！就像我說的，每個人都可以有自己的看法，並不需要強求別人的認可，所以無分對錯，只是看事情的觀點與角度不一樣！你們要的答案，劇情都會一一交代的！不如約好一起繼續追看吧！你們說呢？」

高海寧喺江蘇南京出世，自從佢來港參選08年香港小姐競選，加入TVB後，都一直留港發展。今次高海寧首次喺大陸演出就已經獲得唔少網民讚賞，佢覺得好感恩：「這麼看得起我嗎？謝謝！雖然這次只客串了兩集，但短短9場戲描述的感情卻非常有感受，我會繼續努力」至於會唔會順勢發展大陸市場，早前高海寧就曾接受傳媒訪問表示要等公司安排。

今次反應咁好，希望高海寧快啲有下套劇，喺國內人氣再度攀升！

撰文：張芷晴
責任編輯：楊安莉