早前《東張西望》報道， 現年92歲曾有「魚塘大王」之稱的「根叔」，於元朗大生圍經營十多個魚塘，但卻相繼被親生女兒、鄰居夫妻以誘簽合約形式騙去13個、涉及半億的魚塘，導致老年一無所有。事件曝光後，唔少網友都好關心根叔生活狀況，亦希望他能成功奪回自己的心血。繼女主持人利穎怡於IG透露，節目組已為根叔請律師跟進後，昨晚最新一集《東張西望》再次更新事件最新情況！
相關新聞：《東張西望》92歲老翁被親女鄰居連環行騙 失價值半億魚塘 戶口剩$5000
{{hket:inline-image name="QQQ.png"}}{{/hket:inline-image}}
（圖片：TVB電視截圖）
節目組再到元朗大生圍探望根叔，一班街坊得悉魚塘騙案後，都紛紛伸出緩手，除了不時到根叔住所陪他聊天解悶，又主動送上物資，如口罩、罐頭、洗頭水和沐浴露，以表心意，真係人間有愛！亦難怪根叔一掃之前的沮喪鬱悶，展露快樂笑容：「成個大生圍街坊大家都咁支持我，我當然開心啦，得返我一個老人家，咁老仲畀人呃，若果冇佢哋支持，我都可能『走』咗啦。我要睇清楚害我嘅人有咩下場，希望活多一兩年。」
（圖片：TVB電視截圖）
根叔現時精神不錯（圖片：TVB電視截圖）
在街坊陪伴下展露笑顏（圖片：TVB電視截圖）
早前涉事鄰居夫婦將魚塘經營權呃到手後，耍手段滋擾根叔，如寄恐嚇信、運垃圾入魚塘、把門鎖住，希望把他趕走。一班熱心錦繡花園街坊得悉後，紛紛為根叔魚塘附近裝上閉路電視，避免閑雜人等再騷擾他。而在魚塘工作10多年的鳳姐透露，涉事夫婦態度180度改變：「之前路過，佢哋會用雜物扔向我，又用水喉噴水整濕我，但節目岀街後，早兩日見到佢哋，已經冇咁做。」
不少熱心村民為根叔送上物資（圖片：TVB電視截圖）
（圖片：TVB電視截圖）
魚塘工作10多年的鳳姐（圖片：TVB電視截圖）
經節目組轉介，有熱心的律師團隊表示願意接手根叔案件，並到大生圍跟他商量案情，之後再到落馬洲警署報案，案件現由邊界警區刑事調查組接手處理。據了解，警方已即時到魚塘了解情況，及到涉事夫婦寓所調查。
（圖片：利穎怡IG）
陸偉雄大律師受訪時表示：「雖然案件表面上係合約糾紛，但仔細研究後，發現事件未必只是破壞合約，更可能涉及行騙，因而交由警方調查係咪涉及刑事成份。」
（圖片：TVB電視截圖）
為避免涉案夫婦將漁塘打理經營權再轉讓給其他人士，主持利穎怡與律師團隊又陪同根叔到漁護署了解轉名手續的處理方法，但由於轉名必須雙方同時在場，現時無法幫根叔拿回魚塘。而律師為保障根叔權益，即場草擬文件提出書面申請，防止打理經營權再被賣給第三者。
（圖片：TVB電視截圖）
根叔即時簽署文件（圖片：TVB電視截圖）
事後利穎怡亦於IG發文撐根叔：「感謝陸偉雄大律師與他的團隊義務幫助#根叔最新進展留意今晚 #東張西望希望世界多一點好人，少一些壞人。#人在做天在看#好人一生平安」
相關新聞：《東張西望》主持利穎怡更新魚塘騙案後續 幫苦主根叔請律師獲讚正義女神
{{hket:inline-image name="116241725_346091490122441_8147396029561231529_n.jpg"}}{{/hket:inline-image}}
（圖片：利穎怡IG）
撰文：羅慧怡
責任編輯：楊安莉