本港新型冠狀病毒疫情持續惡化，政府再度收緊防疫措施，從明日（29日）凌晨零時起，規定公眾地方「限聚令」由4人收緊至2人，食肆一律全日禁堂食，為期7日。在疫情影響下，餐飲業界生意大受打擊。不少藝人如古天樂、黃宗澤、溫碧霞等都有經營餐廳，到底他們如何應對這段艱難時刻？
古天樂位於銅鑼灣摩頓台的中式食肆「名廚酒家」生意亦大受影響，不過他認為員工安全比生意重要，坐交通工具很危險，所以早在政府宣布晚上6點後禁止堂食那日起，已經暫停酒家營業。他表示如今既然政府宣布全日禁堂食，會再停業多一星期。
(古天樂facebook圖片)
開設蠔吧Oystermine的黃宗澤接受訪問時表示：「我哋都有推出一啲折扣，外賣有7折，上網訂都有折，希望可以幫補吓。」他續指，自從早前政府規定食肆晚上6點後禁止堂食，生意已大受影響：「之前其實都已經跌咗7、8成生意...商業區夜晚冇乜人，所以夜晚我都冇開到舖，休息，只係做日頭。應該都入不敷支，希望業主可以減租。」雖然惟疫情打擊下導致生意大跌，不過黃宗澤堅持撐住，同員工共度時艱：「如果唔做，執咗佢，啲員工會失業。撐住先，希望疫情快啲過。」
(Oystermine instagram、微博圖片)
{{hket:inline-image name="12.jpg"}}{{/hket:inline-image}}
(鄧佩儀instagram、微博圖片)
溫碧霞有份投資中環西班牙餐廳LA RAMBLA，她接受訪問坦言：「依家餐廳準備會做外賣，外賣都多人落單嘅，不過當然一定冇咁好（生意）。我覺得唔緊要啦，依家應該向好嗰方面諗，依家二人限聚令只係為期7日，希望快啲可以自由。最希望疫情快啲過，唔好咁嚴重，大家唔需要咁多限制就好。」
(溫碧霞instagram、微博圖片)
「鼎爺」李家鼎旗下有3間餐廳，疫情下生意不多不少都會受影響，工作中的他接受電話訪問時禮貌表示：「全部會做外賣，會蝕幾多就唔諗，因為諗起就頭痛，我做緊嘢。」然後匆匆掛斷電話。
(李家鼎facebook圖片)
有賣點心、火鍋、麵包店的林夏薇表示：「我正在開工，全力配合抗疫，好多嘢都係未知數，所以都係等～抗疫，健康最緊要，thank you！」
(林夏薇instagram圖片)
(功夫點心instagram圖片)
至於在大埔開設食店「三小姐海鮮小菜」的黃翊就表示：「我哋會同師傅傾吓點樣做外賣，雖然我隔籬有幾間舖今日冇開，但唔開又太消極，所以點都會照做生意。不過淨係做外賣生意點都會有影響，冇心情去計損失幾多，損失一定好大，全香港食肆都一樣，唔好諗賺唔賺錢，夠畀伙計、燈油火蠟、同舖租就已經好好喇。」
(三小姐晚飯小菜facebook圖片)
採訪：倪小珊
撰文：張芷晴
責任編輯：楊安莉