陳卓賢操定腹肌見粉絲

男團MIRROR成員陳卓賢（Ian）今日推出第四首個人單曲《鯨落》，一直想做唱作歌手的Ian，親自為新歌作曲填詞。Ian看過關於生物學現象鯨落的文章，有感而發填這首詞︰「鯨魚死咗之後，會畀海洋好多養分，聽落好悲劇，但其實會造福生態，想藉此講述有時犧牲未必係唔開心嘅。」

Ian自言今次演繹新歌更得心應手︰「因為自己寫旋律，所以未入錄音室已經好熟，歌詞都係自己寫，更知道點投放感情。」他廣邀粉絲參與新歌動畫MV，誠徵粉絲畫作︰「當大家喺MV裏面見到自己畫作，會更開心、投入，甚至有同我一齊完成MV嘅感覺。」他成功招募過千份畫作，反應熱烈。另外，限聚令收緊，令Ian與粉絲再聚遙遙無期，但他不敢偷懶，早前瘋狂做gym練出六塊腹肌，現時留在家中依然努力做運動，希望疫情過後，以完美體態跟粉絲見面。