經常有句說話指「合久必分」，《愛回家之開心速遞》中「情癡」Rebecca（沈可欣飾）同心目中的白馬王子鐵面陳（王致狄飾）糾纏多時，起初是女追男，後來男方被女方的誠意打動，到兩人準備結婚，Rebecca一心打算入門做陳家新抱之際，婚禮的酒店場地出現問題，令她的夢中婚禮帶來遺憾。她決意搞苦主大聯盟抗議，堅持爭取9月在該酒店辦婚禮。可惜鐵面陳只覺得她的行為很丟臉，最終因為談論得不到共識，鐵面陳自覺不夠愛Rebecca而提出分手。
相關新聞：《愛回家》Rebecca催婚事敗大受打擊爆喊 網友鬧爆鐵面陳 幫手搵真命天子
(圖片：《愛回家之開心速遞》電視截圖)
(圖片：《愛回家之開心速遞》電視截圖)
(圖片：《愛回家之開心速遞》電視截圖)
(圖片：《愛回家之開心速遞》電視截圖)
(圖片：《愛回家之開心速遞》電視截圖)
(圖片：《愛回家之開心速遞》電視截圖)
(圖片：《愛回家之開心速遞》電視截圖)
(圖片：《愛回家之開心速遞》電視截圖)
兩人在酒樓分手一幕，Rebecca由驚訝、眼濕濕到崩潰爆喊的一幕，絕對精彩，惹來不少網友替她心痛，更惡言相向鬧爆鐵面陳感情拖泥帶水，傷害Rebecca。部分網友留言如下：
「我好鬼死憎鐵面陳」
「無端端又要hurt 人 ！！多餘的劇情！」
「鐵面陳咁先係負責任，你冇做錯，只不過遲了好多步而已！」
「 Rebecca嘅爆喊好演技，做演員最緊要有發揮！再講，由始至終都係一廂情願，分手係遲早嘅事，基本上係等呢日幾時到！」
「來個了斷，費事拖落去」
「鐵面陳有寶咩 Rebecca不要委屈自己」
網上有愛情專欄的專頁，更以今次的劇情寫長文，名叫「有種痴情，叫葉碧嘉。有種傻，也叫葉碧嘉。」的文章，短短一晚已經超過500個讚好，連沈可欣的老公楊證樺都有轉發。
相關新聞：《愛回家》Rebecca曾經係廣播道Fans 沈可欣獲DJ驚喜送偶像聲帶打氣
(圖片：王致狄IG）
(圖片：王致狄IG）
對於網友反應熱烈，被鬧的「鐵面陳」王致狄接受《晴報》電話訪問時表示：「希望大家都明白只係故事啦，不過鐵面陳其實都掙扎咗好耐究竟繼續同Rebecca 一齊定係分手，其實今次我都唔幫鐵面陳，如果唔鍾意對方一開始就唔應該責任同對方一齊，我希望Rebecca之後可以搵到一個對佢更加好嘅另一半。（網友問係咪安排同Ma姐一齊？)暫時未知道，大家繼續留意劇情。」
（圖片：沈可欣 IG）
（圖片：楊證樺IG)
至於演技再次獲得大讚的沈可欣表示：「由Rebecca暗戀佢，到真係拍拖，都搞咗好長時間！而且Rebecca係非常非常之愛佢，當他說要分手，就真係會崩潰。最尾嗰場戲，我有同導演溝通過點做，希望做到一take過完成，我怕NG再喊d戲唔連貫，所以都幾大壓力，最終順利完成。」對於網友對鐵面陳恨之入骨，老公楊證樺是否想為她出氣？可欣笑言：「老公開工未睇，返嚟叫佢重溫先！至於Rebecca係咪真係死心，我唔可以劇透，大家繼續收睇就知。」相信網友最期待的是楊證樺在同劇中，以醫生的身份醫好Rebecca受傷嘅心靈，唔知道編劇們會唔會考慮一下呢？
責任編輯：楊安莉