【開工大吉77】曹查理自爆因曾志偉拍三級片？「下海」衝破心理關口全靠一個字

現年70歲嘅曹查理80年代開始活躍於演藝圈，已退休多時嘅佢一直都拒絕接受訪問，不過早前佢就「破例」為香港開電視節目《開工大吉77》擔任嘉賓。

{{hket:inline-image name="DSC04300.JPG"}}{{/hket:inline-image}}

曹查理今次出山完全純粹係「畀面」擔任主持嘅老友苑瓊丹：「大傻舊時叫我返內地登台，話上去打個招呼就有幾萬蚊，我都唔睬佢！今次苑仔叫到我先出嚟咋，如果苑仔叫我一齊拍三級片，我肯復出，因為呢部一定係笑片，唔會係愛情動作片（色情電影）。」

{{hket:inline-image name="DSC04310.JPG"}}{{/hket:inline-image}}

（大會提供）

苑仔指曹查理同佢無所不談，自己喺對方心中有一席位：「佢都話圈中朋友唔多，佢最經典嘅鬼故、拍三級片實況都講晒畀我聽，頭先訪問佢講拍完三級片之後點解決、拍攝嘅細節等等，我都唔知個尺度出唔出到街！」

{{hket:inline-image name="DSC04116.JPG"}}{{/hket:inline-image}}

（大會提供）

成為三級片一哥原因

曹查理更自爆當年會開始接拍三級片，全因為「條氣唔順」：「當年我幾靚仔又高大呀，但成日都做奸嘅，處於半紅不黑位置，最紅反而係志偉、大口青（王青），佢哋做晒主角嚟打我，我就一於去拍三級片，睇吓你地敢唔敢！」曹查理1991年於《我為卿狂》中床戲表現賣力出色，令唔少電影公司請佢拍大量中小型製作嘅三級片。單係1992年至1993年期間，曹查理接連拍咗40多套三級片。

{{hket:inline-image name="131424_5.jpg"}}{{/hket:inline-image}}

《精裝追女仔Ⅱ》中曹查理（中）畀曾志偉（左）同陳百祥（右）追打。（《精裝追女仔Ⅱ》截圖）

靠一個字衝破心理障礙

曹查理多年嚟從未與圈中人發生感情，話自己歷史「乾淨」，就連一夜情都冇。演出情慾戲大膽奔放嘅佢，就分享自己「第一次」係點樣衝破心理關口：「我記得第一次拍三級片，對手係一個泰國女生，得番塊布遮住，真係睇你夠唔夠遮啦，緊張到不得了，要拋開個心理，淨係諗住錢，收工去邊度使錢！」

{{hket:inline-image name="a05f5b4c991244e7b3a0a1bd7a54bddb.jpeg"}}{{/hket:inline-image}}

（網上圖片）

「我唔介意人哋點睇」

因為三級片致富，曹查理亦成為影壇搶手貨：「我當時六萬蚊一組，日日開工開足幾年，試過有一次嚟到現場，導演覺得個境唔得，照出糧叫我收工！其實我唔介意人哋點睇，因為最緊要記得我，而且好多女明星都係得遠觀，我就可以同佢地親近，所以唔抗拒。」曹查理多年嚟總計拍落超過80套港產三級片，而有其演出嘅港產電影（包括三級片）共有280多套。

{{hket:inline-image name="4BBMTLSATKXSGIP3BD35QZRC7Y.jpg"}}{{/hket:inline-image}}

單眼佬賣春藥「淫賤不能移」一幕亦成為咗經典。（《整蠱專家》截圖）

{{hket:inline-image name="DSC04225.JPG"}}{{/hket:inline-image}}

（大會提供）

撰文：黃蘊姿