【新冠肺炎】鄧達智確診4日終獲安排入院 輕微發燒冇胃口：好彩肺無花！

著名時裝設計師鄧達智上周五確診新冠肺炎，等了四天，直至昨晚才獲安排送院治理，目前在聯合醫院隔離病房留醫。鄧達智今日接受《晴報》訪問，聲線略為沙啞的他透露身體比較疲累，有點輕微發燒，幸好照X光後發現肺部無花。

{{hket:inline-image name="2.jpeg"}}{{/hket:inline-image}}

（圖片：受訪者提供）

相關新聞：【新城員工同程凱欣食飯中招】鄧達智初步確診上周六去過新城 薛家燕檢測呈陰性乖乖自我隔離

鄧達智目前在隔離病房二人房留醫，他表示入院後接受驗血、肺部照X光等初步檢查：「我依家比較攰，冇乜胃口，唔太想食嘢。有輕度發燒，大約37度，暖暖地但唔係發燙。好彩照咗個肺無花，所以冇痰冇咳。」

{{hket:inline-image name="1.jpeg"}}{{/hket:inline-image}}

鄧達智昨日一身黑色衫配黑口罩，在病房休息。（圖片：受訪者提供）

相關新聞：鄧達智抱歉搞到小鳳姐

在家中曾以中藥舒緩的鄧達智，表示因自己的鼻腔及喉嚨仍有新冠病毒，所以要用西藥杜絕：「今晚應該開始用藥，有口服同打針，醫院咁多病人，都擔心交叉感染，可能病情唔嚴重都變得嚴重，所以會跟返醫生指示食藥，我都有心理準備，食咗藥會有發燒、作嘔等等反應。」

相關新聞：黎耀祥劉天蘭檢測過關

{{hket:inline-image name="106292260_2785100721721140_7397417941898892551_n.jpg"}}{{/hket:inline-image}}

鄧達智另一半陳梓欣目前在駿洋邨隔離。(圖片：鄧達智IG）

提到入院後依然著黑色衫，不穿醫院格仔睡衣，鄧達智說：「其實只係想自己著得舒服啲，我鍾意著針織，醫院睡衣係梭織料，我就麻麻哋。」他表示帶了自己的新書《衣路歷情》及董橋的作品消磨時間，也會跟另一半陳梓欣醫生每日保持聯絡：「陳醫生喺駿洋邨隔離都好悶，嗰度又冇冷氣，好彩佢有帶自己嘅嘢食。」

撰文：李潔盈