TVB劇集《殺手》中，阿鳳（吳業坤飾演）成日出來搗亂，質疑Zero （陳豪飾演）係殺手，好多網民都嫌佢嘅角色好煩。入行10年，吳業坤一直聽盡唔少負評，到底佢點睇？
警察阿鳳一直熱心查案，最近佢查出兇殺案同Zero有關，於是埋佢身想搵證據。不過Zero睇穿阿鳳懷疑自己，先後幾次陳查理（鄭子誠飾演）講大話掩飾，後來Zero見到阿鳳跟蹤自己，仲一拳打暈佢。
(《殺手》電視截圖)
(《殺手》電視截圖)
{{hket:inline-image name="24.jpg"}}{{/hket:inline-image}}
(《殺手》電視截圖)
及後Zero為幫雯雯（江嘉敏飾演）報仇，將佛爺（李成昌飾演）、紅姐（樊亦敏飾演）殺死。阿鳳趕到現場發現屍體，即時通知同僚到場。然而，清道夫森森（高海寧飾演）設下陷阱，令阿鳳暈倒，及時清理案發現場，阿鳳再被同僚埋怨。
(《殺手》電視截圖)
{{hket:inline-image name="21.jpg"}}{{/hket:inline-image}}
(《殺手》電視截圖)
吳業坤喺劇中對Zero死纏爛打嘅行為，被唔少網民嫌煩：「好煩，殺埋佢啦」、「殺埋坤啦好心」等。不過被網民咁講，證明吳業坤將阿鳳尋根究底一面演得入木三分，演技又再提升咗。殺手獵人即將登場，唔少網民都覺得有機會就係阿鳳，仲話等睇吳業坤演技大爆發。
(討論區截圖)
數數手指，原來30歲嘅吳業坤已入行10年，佢喺《超級巨聲2》奪亞軍出道。加入TVB後，佢捱過段日子，曾客串劇集，仲試過喺喺台慶扮棋。
(TVB電視截圖)
後來，吳業坤憑《原來她不夠愛我》橫掃各大音樂頒獎禮，人氣攀升。可惜人紅非多，緋聞多籮籮。
(TVB電視截圖)
例如佢曾被傳同Aka趙慧珊拍過拖；曾被指對龔嘉欣大獻殷勤，龔嘉欣亦大讚男方有才華又得意，令戀情疑幻似真；曾被傳媒撞破連續兩日同孫慧雪行街撐枱腳；曾以周秀娜Fans身份參與節目，同周秀娜喺沖繩對足7日，傳出緋聞；曾喺訪問自爆對「女神」吳若希有好感；曾被傳媒撞破孖住鄧佩儀返電視城，之後就被傳拍緊拖。好多網民鬧爆吳業坤扮宅男追女仔，封佢為「偽毒」，由一開始嘅支持變成謾罵。
(吳業坤instagram圖片)
{{hket:inline-image name="15.jpg"}}{{/hket:inline-image}}
(吳業坤instagram圖片)
{{hket:inline-image name="16.jpg"}}{{/hket:inline-image}}
(吳業坤instagram圖片)
{{hket:inline-image name="12.jpg"}}{{/hket:inline-image}}
(吳業坤instagram圖片)
初初面對負評，吳業坤坦言好大壓力，變得頹廢，直到得到田蕊妮鼓勵先振作起來。日前(28日)吳業坤接受商台訪問，佢話已唔再執著：「會諗點解咁多聲音反對、唔鍾意自己，後來麻木咗，但唔代表解決咗。直到上年休息咗段時間，先真正擺低，唔在意就ok。」佢話依家學識咗寬恕人：「寬恕吧，無謂為咗過客產生爭執，令自己勞氣。有啲嘢係滑鼠轆過就睇唔到，點解要執著？」被問到如果再遇到網民負評會點面對，吳業坤表示：「我直頭唔睇，唔使理，冇益嘅嘢唔需要聽。」主持謝茜嘉聽完大讚佢進步咗好多。
(商業電台YouTube截圖)
撰文：張芷晴
責任編輯：