【新冠肺炎】奶奶去完街市不洗手抱孫 曾出軌「媽寶」丈夫懶理 港媽憂被「播毒」：佢哋嫌我煩

本港第三波新冠肺炎疫情嚴峻，當中不少源頭不明個案患者為家庭主婦或長者，曾到訪街市，讓人不禁擔心街市成為病毒傳播的途徑。有港媽日前在網上大吐苦水，指其奶奶去完街市買餸，回家後沒有洗手就抱孫，主動遞上搓手液消毒又被嫌「煩」，丈夫更認同奶奶行為沒有問題，為此感到非常無助。

該港媽日前（27日）於網上討論區「親子王國」，以「疫情當前，如果99（奶奶）唔洗手抱孫，你地會點？」為題發文，表示其奶奶去完街市買餸回家後，沒有洗手就抱孫，因此擔憂會感染小朋友。港媽有就問題向奶奶好言相勸，甚至主動給對方搓手液消毒，惟反遭怪責，

「同佢講又話我煩，又話我睇佢唔起。」

港媽又指，其丈夫又偏幫奶奶，認為沒有問題，故為此感到非常煩惱。文章引起熱議，不少網民直斥現時正值疫症嚴重時期，要注意個人衛生，「即使冇肺炎，我返屋企都會即刻洗手，莫講話而家有疫症再抱B」、「照直同佢兩母子講，而家非常時期真係要小心，bb中咗分分鐘出事，到時後悔都冇用，都係洗一洗手啫用唔到幾多時間」。

有網民建議女事主可以「身教」教育家人，所有人包括自己、丈夫等等，回來一律都會先洗手消毒才抱小朋友， 證明不是看不起奶奶，所有人皆一視同仁。

港媽透露婚姻危機 丈夫曾出軌

此外，亦有網民此為女事主丈夫態度亦有問題，直指他是愚孝，「你老公媽寶到咁，冇得拆（解決）」，「你應該先教育你C6(丈夫），連佢都覺得無問題，你99(奶奶）緊係覺得你針對佢啦」。港媽回應時透露，與丈夫關係曾經出現問題，當時丈夫出軌後，她曾與奶奶道出情況，但卻得到奶奶冷言相向，

「佢叫我檢討吓，話如果我服侍得老公掂，佢個仔點會咁」。

其後有網民建議港媽多儲錢，為自己準備後路，除了財政和事業外，亦需要讓自己準備獨立，「最好keep住自己外貌身材，萬一呢個男人唔要你，你都可以搵到另一個伴侶」。

每朝索取《晴報》：精明生活．健康家庭．開心娛樂

撰文：劉紀瑩