近日，馮盈盈喺《#後生仔傾吓偈》同其他「後生仔」以大學教授殺妻案作為主題，主持陸浩明提到若大學教授因經濟原因唔離婚，但又同時發展婚外情，大家能否接受，馮盈盈竟話：「幾有責任心、承擔...佢只想爭番仔女，咪係顧家好男人。」唔少網民聽完即刻炮轟馮盈盈亂噏，最後馮盈盈解釋冇認同殺人行為，只係引述網民意見。其實藝人失言，講錯嘢嘅事件何其多，當中有部分更加被網民炮轟，甚至被公司雪藏，後果都幾嚴重。不過事過境遷，佢哋都已經重新獲得被大眾接受，依家畀大家引以為鑑，小心禍從口出。
(相關新聞：馮盈盈讚中大殺妻女教授「好男人」 離經叛道言論被負評:亂噏廿四)
(《#後生仔傾吓偈》電視截圖)
陸浩明
佢今年喺節目《#後生仔傾吓偈》某集講咗句：「香港係病毒 (沙士) 源頭。」引起大批網民不滿，有人稱要杯葛佢代言嘅產品。
(《#後生仔傾吓偈》電視截圖)
事後陸浩明兩度喺社交平台道歉，表示自己一時疏忽，麥明詩為佢解圍，表示：「佢係曲掛...」不過網民依然繼續喺討論區圍剿佢。
(陸浩明instagram圖片)
{{hket:inline-image name="14.jpg"}}{{/hket:inline-image}}
(陸浩明instagram圖片)
陸浩明喺將軍澳電視城再度道歉，邊爆喊，邊承諾會糾正，佢直言因為呢件事搞到兩晚瞓唔著。麥明詩叫網民唔好再鬧陸浩明，馮盈盈就大讚佢肯承擔。
(《東張西望》電視截圖)
成龍
佢喺13年接受外媒訪問話：「有時候我真的想看到某些國家出現災難，無論是大海嘯、還是大地震，當大災難出現，你會看到全世界湧過來幫助那國家，我真的很高興。」此話一出馬上引起全城譁然，當時劉嘉玲接受傳媒訪問時唔相信成龍咁講，表示應該係大家有所誤會:「個個都希望地球健康生活和諧，唔會有乜災難。」
(TVBS電視截圖)
森美小儀
06年，佢哋喺電台節目《架勢堂》中舉辦「我最想非禮的香港女藝人」選舉，引來極大迴響。多個婦女團體同學者猛烈批評，平機會收到1046個市民簽名投訴，廣管局收到接近200宗投訴。最後森美、小儀公開道歉，二人同節目監製停職兩個月，《架勢堂》亦要停播。幾年後，森美接受傳媒訪問表示重新主持節目時講嘢會口窒，不過畀啲時間佢就應付到。
(森美instagram圖片)
梁漢文
佢喺95年《歡樂滿東華》直播大合唱時突然爆粗：「唔好咁X嘈！」事後佢開記者會道歉，解釋大合唱嗰陣太嘈，所以一時激氣爆粗，講完都好後悔。後來，梁漢文接受傳媒訪問重提此事，佢都覺得「勁爆」，未試過講個粗口就連續做咗幾日頭條。佢表示當時被無綫雪藏3個月，連曾志偉都揶揄佢：「來自好凍地方嘅人」佢話經一事，長一智，依家會小心講嘢。
(梁漢文instagram圖片)
撰文：張芷晴
責任編輯：楊安莉