【愈來愈富貴】陳冠希舊愛Cammi大談愛情史 唔急搵新男友 擇偶條件係咩？

25歲Cammi謝芷蕙自從同陳冠希分手後，外表不斷變靚，依家已經由𡃁模成為擁有超過18萬粉絲嘅網紅。公屋出身嘅Cammi同過唔少富商、富二代拍拖，唔只搭過私人飛機，仲不時炫耀名牌手袋收藏。

雖然Cammi已經同大陸富二代Jayden分手，不過佢依然咁有米，近日先啱啱掃咗名錶、手鏈，佢話係舒壓方式之一。佢嘅富婆生活唔係常人能感受到，但佢幾貼地，趁住在家抗疫期間同網民玩「你問我答」。

{{hket:inline-image name="12.jpg"}}{{/hket:inline-image}}

(Cammi instagram圖片)

相比之前，Cammi更新instagram同直播平台「抖音」嘅頻率少咗好多，唔少網民都好關心佢嘅近況。Cammi解釋，同佢合作緊嘅娛樂公司冇要求佢經常更新「抖音」，所以佢有時間先會拍。另外Cammi佢好坦白咁講自己肥咗，所以冇咩點影相：「其實我胖了，腿有點粗，最近的照片都是修的」難怪有時會見到佢身形比例唔太合常理。

{{hket:inline-image name="13.jpg"}}{{/hket:inline-image}}

(Cammi instagram動態截圖)

被問到舊情史，Cammi都好誠實咁作答，例如有網民問前男友對佢做過最驚喜嘅事，佢話：「其實挺多的。曾經例如我說過喜歡家裏有一個大大的聖誕樹，第二天家裏就出現一棵大大的聖誕樹下面還鋪滿禮物。例如我說喜歡粉紅色，一周收到三個不同款式的粉色包包…」

被問到覺得大陸男仔同香港男仔拍拖最大分別係咩，Cammi表示只有10幾歲時交往嘅初戀男友係香港人，並指：「男性朋友仔是國內比較多，我也不知道為什麼，有人可以告訴我香港男生是怎樣的嗎？」似乎想同舊愛陳冠希劃清劃線。Cammi續指，試過最耐用半年時間就可以走出分手嘅悲傷情緒，算係回復得好快！

{{hket:inline-image name="11.jpg"}}{{/hket:inline-image}}

(Cammi instagram截圖)

單身緊嘅Cammi亦有提到佢嘅擇偶條件，坦言鍾意思想成熟，會願意畀物質生活佢嘅男人。事緣有網民問Cammi會揀大自己20歲定細自己5歲嘅男仔，佢表示會選擇前者：「大20歲吧！20歲的男生思想會不會不夠成熟？其實主要我鍾意成熟少少，比較懂得照顧我的。」

{{hket:inline-image name="14.jpg"}}{{/hket:inline-image}}

(Cammi instagram動態截圖)

另外有網民問佢真愛嘅定義：「一個男人愛你，肯花時間但從來不肯花錢，沒給你物質，沒花錢在你身上，算愛嗎？」Cammi唔同意，認為要有物質先叫愛佢：「我覺得一個男人愛你一定會願意為你付出的，按照他的能力來衡量，時間金錢決一不可」最後有網民問佢單身咁耐會唔會想拍拖，Cammi指：「碰到喜歡的人才會想。」

{{hket:inline-image name="16.jpg"}}{{/hket:inline-image}}

(Cammi instagram動態截圖)

{{hket:inline-image name="15.jpg"}}{{/hket:inline-image}}

(Cammi instagram動態截圖)

撰文：張芷晴
責任編輯：楊安莉